काठमाडौं । नेपाली चलचित्र क्षेत्रका वरिष्ठ निर्देशक, लेखक तथा निर्माता कृष्ण चापागाईंको निधन भएको छ। हृदयाघातका कारण उनको अमेरिकामा उपचारका क्रममा निधन भएको हो।
लामो समयदेखि सपरिवार अमेरिकामा बसोबास गर्दै आएका चापागाईं तीन दिनअघि हृदयाघात भएपछि बोस्टनस्थित क्याम्ब्रिज हेल्थ एलायन्स एभरेट अस्पतालको सघन उपचार कक्ष (आईसीयू) मा उपचाररत थिए। बुधबार बिहान उपचारकै क्रममा उनको निधन भएको अमेरिकामा रहेका नेपाली चलचित्रकर्मीहरूले जानकारी दिएका छन्।
निर्देशक चापागाईं नेपाली चलचित्र क्षेत्रमा ‘एक नजर’, ‘दिदीभाइ’, ‘चट्टान’, ‘इज्जतदार’, ‘दिवानापन’ र ‘निखिल दाइ’ लगायतका चलचित्रको लेखन, निर्माण तथा निर्देशनका लागि परिचित थिए। उनले निर्माण गरेका चलचित्रहरूले नेपाली चलचित्र उद्योगमा महत्वपूर्ण योगदान पुर्याएका छन्।
चलचित्र निर्देशनसँगै उनले काठमाडौंको जोरपाटीमा ‘चापागाईं सुटिङ स्टुडियो’ सञ्चालन गरेका थिए। उक्त स्टुडियोले नेपाली चलचित्र तथा टेलिभिजन कार्यक्रम निर्माणमा उल्लेखनीय सहयोग पुर्याएको मानिन्छ।
उनको निधनले नेपाली चलचित्र क्षेत्रले एक अनुभवी र समर्पित स्रष्टा गुमाएको छ। निर्देशक चापागाईंप्रति श्रद्धाञ्जली अर्पण गर्दै चलचित्रकर्मी तथा शुभेच्छुकहरूले गहिरो दुःख व्यक्त गरेका छन्।
उनको आत्माको चिरशान्तिको कामना गर्दै शोकसन्तप्त परिवारजनप्रति हार्दिक समवेदना व्यक्त गरिएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.