काठमाडौं । फिफा विश्वकप–२०२६ मा सह–आयोजक अमेरिकाले विजयी सुरुआत गरेको छ । घरेलु मैदानमा शनिबार बिहान सम्पन्न खेलमा अमेरिकाले पाराग्वेलाई ४–१ गोलअन्तरले पराजित गर्दै प्रतियोगिताको सुरुआत प्रभावशाली बनाएको हो ।
लस एन्जलसमा ७० हजारभन्दा बढी दर्शकको उपस्थितिमा भएको खेलमा अमेरिकाले पहिलो हाफमै ३–० को अग्रता बनाएको थियो । विश्वकप इतिहासमा अमेरिकाले पहिलो हाफमा बनाएको यो सबैभन्दा ठूलो अग्रता हो ।
अमेरिकाको जितमा फोलारिन बालोगुन नायक बने । उनले पहिलो हाफमा दुई गोल गर्दै टोलीलाई सहज अवस्थामा पुर्याए । कप्तान क्रिस्टियन पुलिसिकले पनि उत्कृष्ट प्रदर्शन गर्दै आक्रमण पंक्तिलाई गतिशील बनाएका थिए ।
खेलको सुरुआती गोल पाराग्वेका खेलाडीको आत्मघाती गोलमार्फत आएको थियो । त्यसपछि ३१औँ मिनेटमा बालोगुनले व्यक्तिगत पहिलो गोल गरे । पहिलो हाफको अतिरिक्त समयमा उनले अर्को गोल थप्दै अमेरिकालाई ३–० को मजबुत अग्रता दिलाए ।
दोस्रो हाफमा पाराग्वेका माउरिसियोले एक गोल फर्काउँदै अन्तर घटाउने प्रयास गरे पनि त्यो पर्याप्त हुन सकेन । खेलको इन्जुरी समयमा जियो रेयनाले चौथो गोल थप्दै अमेरिकाको शानदार जित सुनिश्चित गरे ।
योसँगै अमेरिकाले विश्वकपको एउटै खेलमा पहिलो पटक चार गोल गर्ने उपलब्धि हासिल गरेको छ । कतार विश्वकप–२०२२ मा चार खेल खेल्दा अमेरिकाले जम्मा तीन गोल मात्र गरेको थियो ।
नयाँ प्रशिक्षक माउरिसियो पोचेटिनोको नेतृत्वमा अमेरिकी टोलीले पूर्ण रूपमा नयाँ लय समातेको संकेत दिएको छ । १६ वर्षपछि विश्वकपमा फर्किएको पाराग्वे भने पहिलो खेलमै निराश बन्न पुग्यो ।
विश्वकप डेब्यु खेलमै दुई गोल गरेका २४ वर्षीय बालोगुन सन् १९३० यता विश्वकपको एकै खेलमा दुई गोल गर्ने पहिलो अमेरिकी खेलाडी बनेका छन् । हाल उनी फ्रान्सेली क्लब मोनाकोबाट व्यावसायिक फुटबल खेलिरहेका छन् ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.