फिल्ममा केकी अधिकारी, आँचल शर्मा, महेश त्रिपाठी, कुशल बिष्ट, आर्यन सिग्देल, हिउँवाला गौतम, सरोज खनाल, बसुन्धरा भुसाल, चैत्यदेवी सिंह, संगम भण्डारी, विजय देउजा, अंशु महर्जन, अयभराज बराल, उत्तम केसी, शिवहरि वैरागी नेपाल, आशा भुसाल, रेनु प्रधान र विनोदकुमार पौडेललगायत कलाकारहरूको अभिनय रहेको छ। साथै, वरिष्ठ कलाकार मदनकृष्ण श्रेष्ठ र मिथिला शर्मा अतिथि भूमिकामा देखिनेछन्।

परिच्छेद सेन, गोविन्द फुयाल र शिशिर चालिसेको पटकथा तथा संवाद रहेको फिल्ममा विष्णु घिमिरे ‘कल्पित’, विवेक बस्नेत र ईश्वर सिन्केमनाको छायांकन छ। मित्र डी गुरुङको सम्पादन, अर्जुन पोखरेलको संगीत, रामजी लामिछानेको कोरियोग्राफी तथा रोशन श्रेष्ठको एक्सन रहेको छ।

कपनगढी सिनेमा प्रालि र फिल्म क्र्यु नेपाल प्रालिको प्रस्तुतिमा बनेको ‘झिंगे दाउ २’ तीन वर्षअघि प्रदर्शन भएको सफल फिल्म ‘झिंगे दाउ’ को सिक्वेल हो। पहिलो भागले दर्शकबाट राम्रो प्रतिक्रिया पाएको थियो। त्यसैले यसको दोस्रो श्रृंखलाप्रति पनि दर्शकमाझ उत्साह र अपेक्षा उच्च रहेको देखिन्छ।