काठमाडौं, आषाढ ०८
अभिनेता अनमोल केसी अभिनीत बहुप्रतीक्षित चलचित्र ‘बाटुलो जून’ को सम्पूर्ण छायांकन सम्पन्न भएको छ। सनराइज पिक्चर्स प्रालिको ब्यानरमा निर्माण भइरहेको चलचित्रले नुवाकोटमा गरिएको अन्तिम चरणको सुटिङसँगै औपचारिक रूपमा ‘एन्ड क्ल्याप’ गरेको हो।
छायांकन सकिएसँगै चलचित्र अहिले पोस्ट–प्रोडक्सन चरणमा प्रवेश गरेको निर्माण पक्षले जनाएको छ। सम्पादन, डबिङ, ब्याकग्राउन्ड स्कोर र साउन्ड डिजाइनलगायतका प्राविधिक कार्य पूरा भएपछि चलचित्रका प्रचारात्मक सामग्री क्रमशः सार्वजनिक गरिनेछन्।
चलचित्रमा भुवन केसी, अनमोल केसी र प्रिन्सी खड्कासहित नेन्सी खड्का, प्रकाश घिमिरे, रेअर राई, दीपक केसी, श्वेता मिश्र, लक्ष्मी गिरी, शारदा गिरी, लक्ष्मीनाथ तिमिल्सिना, शिशिर शिवाकोटी, अर्पणा घतानी, विविका पौडेल तथा कमल देवकोटाको अभिनय रहेको छ।
यसैबीच, अभिनेता अनमोल केसी केही दिन व्यक्तिगत बिदामा रहने भएका छन्। बिदापछि उनले चलचित्र ‘ए मेरो हजुर ५’ को छायांकन सुरु गर्नेछन्। उनले यसअघि सम्झौता गरिसकेका अन्य चलचित्र परियोजनाहरू पनि क्रमशः अगाडि बढ्ने बताइएको छ।
निर्माण पक्षका अनुसार ‘बाटुलो जून’ आगामी वर्ष २०८३ सालको बडादशैंको अवसरमा, फुलपातीको छेको पारेर असोज ३० गतेदेखि देशभर प्रदर्शनमा आउनेछ। दशैं लक्षित रिलिज मिति तय भएसँगै चलचित्रप्रति दर्शकमाझ उत्सुकता बढेको निर्माण टिमको विश्वास छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.