आत्मघाती गोलको मद्दतमा सुरुआती अग्रता बनाएको हाइटीविरुद्ध मोरक्कोले ३९औं मिनेटमा बराबरी गोल फर्काएको थियो। त्यसपछि हाइटी फेरि अगाडि बढे पनि पहिलो हाफको अतिरिक्त समयमा मोरक्कोले पुनः खेल बराबरीमा ल्यायो।

दोस्रो हाफमा दबाब बढाएको मोरक्कोले ७८औं मिनेटमा पहिलो पटक अग्रता बनायो भने ८९औं मिनेटमा अर्को गोल थप्दै ४–२ को जित सुनिश्चित गर्‍यो।

समूह चरणको समाप्तिसँगै ब्राजिल र मोरक्को दुवैको समान ७ अंक भए पनि हेड–टु–हेडको आधारमा ब्राजिल शीर्ष स्थानमा रह्यो भने मोरक्को उपविजेताका रूपमा नकआउट चरणमा पुग्यो।

हाइटी भने प्रतियोगिताबाट बाहिरिएको छ। स्कटल्यान्डको सम्भावना कमजोर बने पनि गणितीय रूपमा अझै समाप्त भएको छैन।