जापुरा फिल्म्स प्रोडक्सन र शुभ चिरायु फिल्म्सको सहकार्यमा निर्माण भएको ‘हली’ वास्तविक घटनाबाट प्रेरित सामाजिक कथामा आधारित फिल्म हो। निर्देशक तथा लेखक ओम प्रतीकका अनुसार फिल्मले एउटा श्रमिक किसानको संघर्षमार्फत समाज परिवर्तनको सशक्त सन्देश दिन खोजेको छ।

फिल्ममा प्रमोद दीप, सुजता थापा, सरोज खनाल, अरुणा कार्की, अर्जुन गुरुङ, विद्या कार्की, नवीन श्रेष्ठ, कञ्चन दुलाल, कमल गाउँले, विशाल पहाडी तथा निर्देशक ओम प्रतीक स्वयंको अभिनय रहेको छ।

यस्तै, फिल्मका गीतमा दीपाश्री निरौला, किरण केसी, दिलीप रायमाझी, प्रियंका कार्की र पूजा शर्माको विशेष प्रस्तुति पनि समावेश गरिएको छ। गीतहरूको कोरियोग्राफी कविराज गहतराजले गरेका छन् भने केही गीतमा निर्देशक ओम प्रतीकसँग उनको संयुक्त काम रहेको छ।

फिल्मका कार्यकारी निर्माता अर्जुन भुसाल, सहनिर्मात्री नम्रता भण्डारी, लाइन प्रोड्युसर लक्ष्मण कर्मचार्य तथा मुख्य सहायक निर्देशक जीवननाथ गौतम हुन्। राहुल राईको छायांकन रहेको फिल्मको सम्पादन रामप्रसाद चौधरी र विपिन मल्लले गरेका छन्।

फिल्ममा शम्भुजित बास्कोटा, बाबुल गिरी र कृष्ण भारद्वाजको संगीत रहेको छ भने गीतका शब्दमा निर्मात्री जस्मिन श्रेष्ठको पनि योगदान छ। बाबुल गिरी र शान्तिश्री परियारको स्वर रहेका गीतहरूले फिल्मलाई थप आकर्षक बनाउने विश्वास निर्माण पक्षको छ।

कुमार महर्जनको द्वन्द्व निर्देशन रहेको ‘हली’लाई नेशनल सिने ग्रुप प्रालिले देशभर वितरण गर्नेछ भने ओएसआर डिजिटल यसको डिजिटल पार्टनरका रूपमा आबद्ध रहेको छ।