काठमाडौं । सह–आयोजक मेक्सिकोले फिफा विश्वकप २०२६ अन्तर्गत राउन्ड अफ ३२ मा इक्वेडरलाई २–० ले पराजित गर्दै अन्तिम १६ मा स्थान सुरक्षित गरेको छ।
मेक्सिको सिटी स्टेडियममा घरेलु समर्थकमाझ उत्कृष्ट प्रदर्शन गरेको मेक्सिकोका लागि युलियन क्वीन्योनेस र राउल जिमिनेजले पहिलो हाफमै गोल गर्दै टोलीलाई सहज जित दिलाए।
खेलको २१औँ मिनेटमा क्वीन्योनेसले सटिक प्रहारमार्फत गोल गर्दै मेक्सिकोलाई अग्रता दिलाए। त्यसको १० मिनेटपछि राउल जिमिनेजले अर्को गोल थप्दै घरेलु टोलीको अग्रता २–० पुर्याए।
पहिलो हाफमा दुई गोलको अग्रता बनाएको मेक्सिकोले दोस्रो हाफमा पनि खेलमाथि नियन्त्रण कायम राख्यो। इक्वेडरले खेलमा फर्कने प्रयास गरे पनि मेक्सिकोको सुदृढ रक्षापंक्ति र गोलरक्षकलाई छक्याउन सकेन।
दोस्रो हाफमा दुवै टोलीले केही अवसर सिर्जना गरे पनि थप गोल हुन नसक्दा पहिलो हाफको नतिजा नै अन्तिम नतिजा बन्यो।
यस हारसँगै इक्वेडरको विश्वकप यात्रा राउन्ड अफ ३२ मै समाप्त भएको छ।
यता, घरेलु मैदानमा प्रभावशाली प्रदर्शन गरेको मेक्सिकोले अब अन्तिम १६ मा इंग्ल्यान्ड र डीआर कंगोबीचको विजेतासँग क्वाटरफाइनल प्रवेशका लागि प्रतिस्पर्धा गर्नेछ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.