चलचित्रमा पारस र दिव्यासँगै सुशान्त कार्कीको पनि मुख्य भूमिका रहेको छ। ‘होस्टेल ३’बाट ठूलो पर्दामा डेब्यु गरेका पारस यसपटक गम्भीर प्रेमकथामा देखिन लागेका हुन्। निर्माण पक्षका अनुसार पारस र दिव्याको नयाँ जोडीले दर्शकलाई फरक सिनेम्याटिक अनुभव दिने अपेक्षा गरिएको छ।

‘होस्टेल ३’मा सहकार्य गरेका सशान कँडेल र माधव शर्माको टिमले ‘बेहुली’ तयार पारेको हो। माधव शर्माको कथामा सशान कँडेलले निर्देशन गरेका छन्।

चलचित्रमा पदम तामाङ, सन्तोष बानियाँ, सरिता गिरी, विशाल पहारी, कर्मा लामा, दीपक गौली, विमल यादव, अविरल श्रेष्ठ, सविन कट्टेल र समायरा थापा मगरको पनि अभिनय रहेको छ।

प्राविधिकतर्फ नरेन्द्र मैनालीको छायांकन, विकास दाहालको सम्पादन र रोशन श्रेष्ठको एक्सन निर्देशन रहेको छ। चलचित्रका निर्माता प्रताप शमशेर राणा हुन् भने कार्यकारी निर्मातामा शङ्कर कोइराला र रमेश सिलवाल रहेका छन्। सह–निर्मातामा दुर्गा खरेल र शिशिर श्रेष्ठ छन्।

काठमाडौं उपत्यकाभित्र काफिया फिल्म्स र उपत्यकाबाहिर श्री व्यंकटेश इन्टरटेन्मेन्टले चलचित्र वितरण गर्नेछन् भने डिजिटल अधिकार ओएसआर डिजिटलसँग रहेको छ।भावनात्मक प्रेमकथा बोकेको ‘बेहुली’ आगामी भदौ २६ गतेदेखि देशभर प्रदर्शनमा आउनेछ।