काठमाडौं । कप्तान लियोनेल मेस्सीको प्रेरणादायी प्रदर्शनमा अर्जेन्टिनाले दुई गोलको घाटा उल्टाउँदै इजिप्टलाई ३–२ ले पराजित गरेको छ। यससँगै साविक विजेता अर्जेन्टिनाले फिफा विश्वकप २०२६ को क्वार्टरफाइनलमा स्थान सुरक्षित गरेको छ।
अमेरिकाको एटलान्टा स्टेडियममा बुधबार भएको रोमाञ्चक अन्तिम १६ को खेलमा इजिप्टले सुरुआतदेखि नै उत्कृष्ट प्रदर्शन गर्दै अर्जेन्टिनालाई दबाबमा राखेको थियो।
खेलको १५औँ मिनेटमा यासेर इब्राहिमले गोल गर्दै इजिप्टलाई अग्रता दिलाए। दोस्रो हाफको ६७औँ मिनेटमा मुस्तफा जिकोले अर्को गोल थपेपछि इजिप्ट २–० ले अघि बढ्दै ऐतिहासिक जितको नजिक पुगेको देखिन्थ्यो।
तर त्यसपछि अर्जेन्टिनाले अविश्वसनीय पुनरागमन गर्यो। ७९औँ मिनेटमा क्रिस्टियन रोमेरोले गोल गर्दै टोलीलाई खेलमा फर्काए। त्यसको चार मिनेटपछि कप्तान लियोनेल मेस्सीले शानदार गोल गर्दै खेल २–२ को बराबरीमा ल्याए।
निर्धारित समय सकिनै लाग्दा थपिएको इन्जुरी समयको तेस्रो मिनेट (९०+३) मा एन्जो फर्नान्डेजले निर्णायक गोल गर्दै अर्जेन्टिनालाई ३–२ को सनसनीपूर्ण जित दिलाए।
दुई गोलले पछि परेको अवस्थाबाट शानदार पुनरागमन गर्दै जित निकालेसँगै अर्जेन्टिनाले लगातार अर्को चरणमा स्थान बनाएको छ भने इजिप्टको ऐतिहासिक विश्वकप यात्रा अन्तिम १६ मै टुंगिएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.