खेलमा दुई असिस्ट गरेका लियोनेल मेसी ‘प्लेयर अफ द म्याच’ घोषित भए। ३९ वर्ष २१ दिनका मेसी विश्वकपको सेमिफाइनल खेल्ने इतिहासकै सबैभन्दा पाका खेलाडी पनि बने। उनले सन् १९५८ मा फ्रिट्ज वाल्टर र गुनार ग्रेनले बनाएको ३७ वर्ष २३६ दिनको कीर्तिमान तोडे।

उता, इङ्ग्ल्यान्डका कप्तान ह्यारी केनले आफ्नो १२१औँ अन्तर्राष्ट्रिय खेल खेल्दै देशका लागि सर्वाधिक अन्तर्राष्ट्रिय खेल खेल्ने आउटफिल्ड खेलाडीको नयाँ कीर्तिमान कायम गरे।

खेलपछि मेसीले टोलीको प्रदर्शनप्रति गर्व व्यक्त गर्दै भने, “यो हाम्रो देश र समर्थकका लागि अविस्मरणीय क्षण हो। यो टोलीले हरेक पटक आफूलाई उत्कृष्ट सावित गरिरहेको छ।”

इङ्ग्ल्यान्डका प्रशिक्षक थोमस टुहेलले अग्रता लिएपछि आफ्नो टोलीले खेल नियन्त्रणमा राख्न नसकेको र अत्यधिक रक्षात्मक बन्दा हार व्यहोर्नुपरेको बताए।

अब विश्वकपको बहुप्रतीक्षित फाइनलमा अर्जेन्टिनाले स्पेनसँग उपाधिका लागि प्रतिस्पर्धा गर्नेछ।