निर्देशक बलिराम चौहानले गत वर्ष ‘द ब्ल्यू लाइट’ मार्फत निर्देशनमा डेब्यु गरेका थिए। उक्त चलचित्रले समीक्षकबाट सकारात्मक प्रतिक्रिया पाए पनि प्रदर्शनको समय र राजनीतिक माहोलका कारण अपेक्षित व्यावसायिक सफलता हासिल गर्न सकेको थिएन। यसपटक भने ‘ल्याङ्ग ल्याङ्ग’मार्फत फरक स्वादको कथा लिएर दर्शकमाझ आउने तयारीमा उनी छन्।

चलचित्रको कथा बलिराम चौहान र उपाश्री खतिवडाले संयुक्त रूपमा लेखेका हुन्। हाल चलचित्रको प्रि–प्रोडक्सन र कास्टिङको काम तीव्र रूपमा भइरहेको निर्माण पक्षले जनाएको छ।

निर्देशक चौहानले भने, “अहिले कलाकार र प्राविधिक टोलीलाई पूर्णता दिने काम भइरहेको छ। केही स्थापित र केही नयाँ प्रतिभासँग छलफल जारी छ। सम्पूर्ण टिमको घोषणा गरेपछि छायांकन सुरु गर्नेछौँ।”