अंकतालिकाको शीर्ष स्थानमा रहेको अमेरिकाको ३२ खेलबाट ४३ अंक छ। स्कटल्यान्ड ३८ अंकसहित दोस्रो, ओमान ३१ अंकसहित चौथो, क्यानडा २४ अंकसहित छैटौं तथा यूएई १४ अंकसहित आठौं स्थानमा छन्।

लिग–२ अन्तर्गत प्रत्येक टोलीले ३६–३६ खेल खेल्नेछन्। नेपालले अझै आठ खेल खेल्न बाँकी छ। विश्वकप ग्लोबल क्वालिफायरमा स्वतः छनोट हुन नेपालले बाँकी खेलहरूमा उत्कृष्ट नतिजा निकाल्नुपर्ने दबाब छ। यद्यपि शीर्ष ६ स्थानभित्र रहे एकदिवसीय अन्तर्राष्ट्रिय मान्यता भने कायम रहनेछ।

रोहितकुमार पौडेलको कप्तानीमा रहेको १५ सदस्यीय नेपाली टोलीमा उपकप्तान दीपेन्द्रसिंह ऐरी छन्। टोलीमा सन्दीप लामिछाने, कुशल भुर्तेल, आसिफ शेख, आरिफ शेख, सोमपाल कामी, गुल्सन झा, करण केसी, ललित राजवंशी, भीम सार्की, अर्जुन कुमाल, विनोद भण्डारी, इशान पाण्डे र नन्दन यादव पनि समावेश छन्।

यसका अतिरिक्त सुन्दीप जोरा, शाहब आलम, हेमन्त धामी, आकाश चन्द र युवराज खत्रीलाई वैकल्पिक खेलाडीका रूपमा राखिएको छ।