काठमाडौं, साउन ०६
निर्देशक विनयराज पौडेलको निर्देशनमा बनेको नेपाली चलचित्र ‘अक्षरा’को सम्पूर्ण डिजिटल अधिकार मुभिज डिजिटेनमेन्टले खरिद गरेको छ। सम्झौतासँगै अब चलचित्रका गीत, ट्रेलर तथा अन्य सबै डिजिटल सामग्री सोही प्लेटफर्ममार्फत सार्वजनिक गरिने भएको छ।
निर्माण पक्ष र मुभिज डिजिटेनमेन्टका प्रतिनिधि प्रदीप धामी, पुष्कर शर्मा घिमिरे र आशिष तामाङबीच औपचारिक सम्झौता सम्पन्न भएको हो।
निर्देशक पौडेलका अनुसार चलचित्रको युट्युब प्रतिलिपि अधिकारसमेत बिक्री भइसकेको छ। अब दर्शकले ‘अक्षरा’सँग सम्बन्धित सम्पूर्ण डिजिटल सामग्री मुभिज डिजिटेनमेन्टको युट्युब च्यानलमार्फत हेर्न सक्नेछन्।
आगामी भदौ २६ गतेदेखि देशभर प्रदर्शनमा आउने तयारीमा रहेको चलचित्रप्रति निर्माण टिम उत्साहित देखिएको छ। ब्लकबस्टर चलचित्र ‘१२ गाउँ’की अभिनेत्री न्यान्सी खड्का र अभिनेता सुशील सिटौला मुख्य भूमिकामा रहेका छन्।
चलचित्रमा सुशील पोखरेल, पुष्कर राउत, रिस्ता अधिकारी, उत्तम केसी, अंशु महर्जन, गीता अधिकारी, वीरेन्द्र कुशवाह, सृजना अधिकारी, मोहन अधिकारी र सृष्टि खड्काको अभिनय रहेको छ। बालकलाकार रोनक खड्का र प्रीसा ढुङ्गाना पनि चलचित्रमा देखिनेछन्।
क्षित बाबु प्रोडक्सन हाउसको ब्यानरमा निर्माण भएको चलचित्रमा सोनी थापा (ढुङ्गाना)को प्रस्तुति रहेको छ। उग्रसेन ढुङ्गाना र सुग्रसेन ढुङ्गाना निर्माता रहेका छन् भने सुरज थापाकाजी र सुमन ज्योति न्यौपाने कार्यकारी निर्माताका रूपमा आबद्ध छन्।
चलचित्रको कथा उग्रसेन ढुङ्गानाले लेखेका हुन् भने पटकथा तथा संवाद अभिमन्यु निरवी र निर्देशक विनयराज पौडेलले संयुक्त रूपमा तयार पारेका छन्।
चलचित्रमा सुरेन्द्र रानाका शब्द, कर्णराज गिरीको संगीत तथा अञ्जु पन्त, समीक्षा अधिकारी, रचना रिमाल र एसडी योगीको स्वर रहेको छ। दिपेन बस्न्यातको छायांकन, रामजी लामिछानेको नृत्य निर्देशन तथा शंकर महर्जनको द्वन्द्व निर्देशन रहेको चलचित्र ‘अक्षरा’लाई नेसनल सिने ग्रुप नेपालका तर्फबाट दीपक दंगालले देशव्यापी रूपमा वितरण गर्नेछन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.