काठमाडौं । आगामी भदौ ५ गतेदेखि प्रदर्शनमा आउने तयारीमा रहेको चलचित्र ‘मास्टर्नी’का दुई नयाँ पोस्टर सार्वजनिक गरिएको छ। यसअघि सार्वजनिक भएको अभिनेत्री प्रियंका कार्कीको एकल पोस्टरले सकारात्मक प्रतिक्रिया पाएपछि निर्माण पक्षले चलचित्रका थप दुई पोस्टर सार्वजनिक गरेको हो।
सार्वजनिक पहिलो पोस्टरमा प्रियंका कार्की र सिम्रन खड्कालाई भावुक शैलीमा प्रस्तुत गरिएको छ। प्रियंकाको काखमा सिम्रन रहेको दृश्यले आमा–छोरीबीचको गहिरो सम्बन्ध र चलचित्रको भावनात्मक पक्षलाई संकेत गर्छ।
दोस्रो पोस्टरमा प्रियंका कार्की, प्रमोद अग्रहरी र सिम्रन खड्कालाई देखाइएको छ। पोस्टरमा ‘नेपाल प्रहरी–अपराध घटनास्थल प्रवेश निषेध’ लेखिएको टेप, हराएका व्यक्तिहरूका सूचना र रहस्यमय पृष्ठभूमिले चलचित्र क्राइम–थ्रिलर जनरामा आधारित रहेको स्पष्ट संकेत दिन्छ।
पोस्टरमा समावेश गरिएको ‘उनले अपराध रोजिनन्, उनले त केवल आफ्नी छोरी रोजिन्’ भन्ने ट्यागलाइनले आफ्नी छोरीको सुरक्षाका लागि एउटी आमाले गर्नुपरेको कठिन निर्णय र संघर्षलाई केन्द्रमा राखिएको कथावस्तुको झलक दिएको छ।
आयंका फिल्म्सको प्रस्तुतिमा निर्माण भएको चलचित्रका निर्माता प्रियंका कार्की, क्याबिनेट श्रेष्ठ, आयुष्मान जोशी र प्रनित कार्की हुन् भने निर्देशन शुभेन्दु घोषले गरेका छन्।
चलचित्रमा प्रियंका कार्की, आर्यन सिग्देल, सरोज खनाल, गौरी मल्ल, प्रमोद अग्रहरी, ऋचा शर्मा, अनुपविक्रम शाही, सिम्रन खड्का, रक्षा थापा र दिनेश काफ्लेलगायत कलाकारहरूको अभिनय रहेको छ।
चलचित्रकी कार्यकारी निर्माता सुरक्षा सिंह मल्होत्रा हुन् भने सिमोस सुनुवार क्रिएटिभ निर्माताका रूपमा आबद्ध छन्। चलचित्रको कथा प्रियंका कार्कीले लेखेकी हुन् भने पटकथा शान बस्नेतले तयार पारेका छन्। संवाद प्रियंका कार्की र शान बस्नेतले संयुक्त रूपमा लेखेका हुन्।
युवराज इन्दोरियाको छायांकन र राजा सिंह सिदुको सम्पादन रहेको चलचित्र नेपालीसँगै अन्य भाषामा पनि एकसाथ प्रदर्शन गर्ने तयारी निर्माण टिमले गरेको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.