काठमाडौं । भारतीय चर्चित अभिनेता प्रदीप रावतको निधन भएको छ। ब्लड क्यान्सरसँग जुधिरहेका ७४ वर्षीय रावतको मंगलबार साँझ मुम्बईस्थित कोकिलाबेन धीरुभाई अम्बानी अस्पतालमा उपचारका क्रममा निधन भएको हो।
तेलुगु, हिन्दी र तमिल फिल्म उद्योगमा सशक्त खलनायकका रूपमा परिचित रावतले नेपाली चलचित्र ‘आबाट आमा’, ‘ह्रस्व दीर्घ’ तथा हालै छायांकन सम्पन्न भएको ‘आबाट आमा–२’ मा पनि अभिनय गरेका थिए।
रावतले चर्चित टेलिभिजन श्रृंखला ‘महाभारत’मा अश्वत्थामाको भूमिका निर्वाह गरेका थिए। त्यस्तै ‘सरफरोश’, ‘लगान’, ‘गजनी’लगायतका चर्चित भारतीय फिल्ममा उनले सशक्त खलपात्रको अभिनय गरेर दर्शकमाझ विशेष पहिचान बनाएका थिए।
उनको निधनको खबर सार्वजनिक भएसँगै नेपाली अभिनेत्री विपना थापाले सामाजिक सञ्जालमार्फत गहिरो दुःख व्यक्त गरेकी छिन्। भारतीय फिल्म उद्योगका कलाकार तथा शुभचिन्तकहरूले पनि सामाजिक सञ्जालमार्फत श्रद्धाञ्जली अर्पण गर्दै रावतप्रति सम्मान व्यक्त गरिरहेका छन्।
भारतीय र नेपाली दुवै फिल्म उद्योगमा आफ्नो छुट्टै छाप छोड्न सफल प्रदीप रावतको निधनले चलचित्र क्षेत्रले एक अनुभवी कलाकार गुमाएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.