काठमाडौं । घरेलु बक्सअफिसमा उत्कृष्ट व्यापार गरिरहेको चलचित्र ‘गौंथली’ले २० करोड रुपैयाँ ग्रस कमाउँदै नयाँ कीर्तिमान बनाएको छ। योसँगै ‘गौंथली’ सर्वाधिक कमाउने नेपाली चलचित्रको सूचीमा तेस्रो स्थानमा उक्लिएको छ।
चलचित्रले सोमबार दिउँसो ४ बजेसम्म २० करोड १० लाख रुपैयाँ ग्रस कमाएको निर्माण पक्षले जनाएको छ। उक्त अवधिसम्म चलचित्रलाई ७ लाख २९ हजार दर्शकले हलमा पुगेर हेरेका छन्।
यसअघि ‘गौंथली’ले समीर भट्ट अभिनीत चलचित्र ‘१२ गाउँ’को बक्सअफिस कलेक्सनलाई समेत उछिनेको थियो। ‘१२ गाउँ’ले १९ करोड ९२ लाख रुपैयाँ ग्रस कमाएको थियो।
कपिल रिजाल निर्देशित ‘गौंथली’ अब घरेलु बक्सअफिसमा सर्वाधिक कमाउने नेपाली चलचित्रको सूचीमा ‘कबड्डी ४’ र ‘पूर्णबहादुरको सारंगी’पछि तेस्रो स्थानमा रहेको छ।
प्रदर्शनको सुरुवातदेखि नै दर्शकको राम्रो साथ पाइरहेको ‘गौंथली’ले अझै पनि विभिन्न हलमा राम्रो अकुपेन्सी कायम राखेको निर्माण पक्षको दाबी छ। चलचित्रले आगामी दिनमा आफ्नो व्यापार थप बढाउने अपेक्षा गरिएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.