सिनेमाको स्लोगन ‘हरेक युवाको कथा’ राखिएको छ। नेपाली युवापुस्ताले साथीभाइबीच कुनै विषयमा हुने दबाब वा मानसिक तनावलाई जनाउन प्रयोग गर्ने ‘ल्याङ्ग ल्याङ्ग’ शब्दलाई नै सिनेमाको शीर्षक बनाइएको निर्माण पक्षको भनाइ छ। सिनेमाले युवा चरित्र र उनीहरूको दैनिक जीवनका उतारचढावलाई पर्दामा उतार्नेछ।

गुराँस मुख्य अभिनेत्रीमा अनुबन्धित भएपछि उनकी आमा रिना ढकालले सामाजिक सञ्जालमार्फत भावुक प्रतिक्रिया दिएकी छन्। उनले छोरी सात महिनाकी हुँदादेखि नै आफूले नाटकमा सहभागी गराएको स्मरण गर्दै कलाकार बनाउने सपना बोकेको उल्लेख गरेकी छन्।

रिना ढकालले छोरीको अभिनय यात्रालाई सुरुवातका रूपमा लिँदै आगामी दिनमा पनि उनको हरेक कदममा साथ दिने बताएकी छन्।

भोलानाथ कटवालको लगानीमा निर्माण हुने ‘ल्याङ्ग ल्याङ्ग’ असोजको पहिलो साताबाट फ्लोरमा जाने तयारीमा छ। हाल सिनेमाको प्रि–प्रोडक्सनको काम तीव्र रूपमा भइरहेको छ। सिनेमाको कथा निर्देशक बलिराम चौहान र उपाश्री खतिवडाले संयुक्त रूपमा लेखेका हुन्।