काठमाडौं । नायक पल शाहको निर्माण तथा अभिनय रहेको चलचित्र ‘यानीमाया’को विदेश प्रदर्शन अधिकार ६ देशमा बिक्री भएको छ। निर्माण पक्षका अनुसार हङकङ, जापान, दक्षिण कोरिया, मलेसिया, कतार र थाइल्याण्डका लागि चलचित्रको प्रदर्शन अधिकार बिक्री भइसकेको हो।
अन्य केही देशमा पनि चलचित्र प्रदर्शनका लागि कुराकानी भइरहेको र ती देशको अधिकारसमेत चाँडै टुंगो लाग्ने निर्माण पक्षले जनाएको छ। पछिल्लो समय पल शाहका चलचित्रले विदेशी बजारमा राम्रो प्रदर्शन गर्न थालेसँगै ‘यानीमाया’प्रति पनि अन्तर्राष्ट्रिय बजारको चासो बढेको बताइएको छ।
‘मोहर’पछि विदेशी बजारमा पलको लोकप्रियता थप बढेको निर्माण पक्षको दाबी छ। यसअघि पल अभिनीत ‘आ बाट आमा’ले पनि विदेशमा सुखद व्यापार गरेको थियो। घोषणा भएदेखि नै चर्चामा रहेको ‘यानीमाया’ अहिले धमाधम छायांकन भइरहेको छ।
ओम प्रतिकको लेखन तथा निर्देशनमा निर्माण भइरहेको चलचित्रको छायांकनका लागि ४० दिनको तालिका तय गरिएको छ। चलचित्रमा पल शाहसँगै अञ्जना मगर, शिशिर वाङ्देल, गजित विष्ट, लोकेन्द्र लेखक, अङ्कित खड्का, राज थापा, कर्मा लामा, संगीता थापा, विशाल पुलामी र नारायणी खत्रीलगायत कलाकारको अभिनय रहेको छ।
बाल कलाकारका रूपमा शान्न अधिकारी र मोनिका भण्डारी रहेका छन्। चन्द्र ज्योती आले र पल शाहको लगानीमा निर्माण भइरहेको चलचित्रमा नवराज उप्रेतीको डीओपी, कुमार महर्जनको एक्सन, गिरिराज घिमिरेको मुख्य सहायक निर्देशन तथा भूपेन्द्र अधिकारीको सम्पादन रहनेछ।
विशाल कार्कीले निर्माण व्यवस्थापन गरिरहेको चलचित्रमा रेनिश फागोको कलर सम्पादन, राजु लामा र सञ्जु ढकालको मेकअप तथा हेयर र आशिष पौडेलको पोशाक डिजाइन रहेको छ।
सामाजिक प्रेमकथामा आधारित ‘यानीमाया’ फागुन ७ गतेदेखि प्रदर्शनमा आउने घोषणा निर्माण पक्षले गरिसकेको छ। हाल गुन्डुमा छायांकन भइरहेको चलचित्रको बाँकी छायांकनका लागि निर्माण टिम पर्वत जाने तयारीमा छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.