भोटेकोशी बाढीबाट ठूलो जनधनको क्षति भएपछि त्यसको प्रभाव चलचित्रको व्यापारमा समेत परेको निर्माण पक्षले जनाएको छ। वितरक करण श्रेष्ठका अनुसार चलचित्रले दोस्रो दिन शनिबार देशभरबाट करिब ४२ लाख रुपैयाँ ग्रस कलेक्सन गरेको थियो। पछिल्ला दिनको आधिकारिक कलेक्सन भने सार्वजनिक हुन बाँकी छ।

चलचित्रलाई सोमबार पनि देशभरका हलमा उल्लेख्य शो दिइएको छ भने मंगलबारका लागि देशभर १ सयभन्दा बढी शो रहेको निर्माण पक्षले जनाएको छ।

नीता ढुंगानाको मुख्य भूमिका रहेको ‘पार्वती’मा अशोक दर्जी, दीपाश्री निरौला, सिरु विष्ट, राज पंगेनी शर्मा, राजेन्द्र नेपाली, आशा पौडेल, दीप्त प्रकाश अधिकारी र राधिका कँडेललगायत कलाकारको अभिनय रहेको छ।

नीता ढुंगानाको कथा तथा पटकथा, शिवम् अधिकारीको लेखन र शंकर पाण्डेको कार्यकारी निर्माण रहेको चलचित्रका निर्माता हरिहर अधिकारी हुन्। चलचित्रको वितरण एफडी कम्पनी, एप्पल इन्टरटेनमेन्ट र रिच इन्टरटेनमेन्टले गरेका छन्।