आफूले गरेको सहयोग ठूलो नभए पनि विपद्को समयमा प्रभावित परिवारसम्म पुगेर उनीहरूको कुरा सुन्ने र सकेको सहयोग गर्ने उद्देश्य रहेको न्यान्सीले बताइन्। उनले आगामी दिनमा पनि सम्भव भएसम्म सहयोग र साथलाई निरन्तरता दिने प्रतिबद्धता जनाएकी छन्।

चलचित्र ‘अक्षरा’को प्रचारप्रसारलाई केही समय थाती राखेर बाढीपहिरो प्रभावितको अवस्था बुझ्न नुवाकोट पुगेकी न्यान्सीको यो कदमलाई सामाजिक उत्तरदायित्वका रूपमा हेरिएको छ।

विनयराज पौडेलको निर्देशनमा बनेको ‘अक्षरा’मा न्यान्सीसँगै सुशील सिटौला, सुशील पोखरेल, उत्तम केसी, अंशु महर्जन, पुष्कर राउत, रिस्ता अधिकारी, सृष्टि खड्का, गीता अधिकारीलगायत कलाकारको अभिनय रहेको छ।

दीपेन बस्न्यातको छायांकन र गौतम खड्काको सम्पादन रहेको चलचित्र क्षित बाबु प्रोडक्सन हाउसको ब्यानरमा निर्माण भएको हो। सोनी थापा प्रस्तुतकर्ता रहेको चलचित्रका निर्माता उग्रसेन ढुंगाना र सुग्रसेन ढुंगाना हुन्।

पूर्वमिस नेपाल इन्टरनेसनलसमेत रहेकी न्यान्सीको यो दोस्रो चलचित्र हो।