काठमाडौं । असोज २ गतेदेखि प्रदर्शनमा आउन लागेको प्रतिक्षित फिल्म ‘झिंगे दाउ २’ले प्रचारप्रसारलाई तीव्रता दिएको छ। प्रदर्शनको दुई साता मात्र बाँकी रहँदा निर्माण पक्षले दर्शकमाझ प्रत्यक्ष पुग्ने उद्देश्यसहित प्रचारको नयाँ शैली अपनाएको हो।
फिल्मको प्रचारका लागि ८० वटा गाडीमा ‘झिंगे दाउ २’को सिट कभर राखिएको छ। नेपाल यातायातमा यात्रा गर्ने ठूलो संख्याका दर्शकसम्म फिल्मको जानकारी पुर्याउने उद्देश्यले गरिएको यो प्रचार शैलीलाई आम दर्शकले रुचाइरहेको निर्माण पक्षले जनाएको छ।
सिट कभरमा फिल्मसँग सम्बन्धित दुईवटा क्यूआर कोडसमेत राखिएका छन्। एउटा क्यूआर कोडमार्फत फिल्मको टिजर हेर्न सकिनेछ भने अर्को क्यूआर कोडबाट क्यूएफएक्स चेनका हलमा टिकट बुक गर्न सकिने व्यवस्था गरिएको छ।
निर्माण पक्षले फिल्मको तीज गीत पनि सार्वजनिक गर्ने तयारी गरेको छ। ज्ञानेन्द्र देउजाको निर्देशनमा तयार भएको ‘झिंगे दाउ २’ असोज २ गतेदेखि प्रदर्शनमा आउनेछ।
कपनगढी सिनेमा प्रालि र फिल्म क्रिउ नेपाल प्रालिको ब्यानरमा निर्माण भएको फिल्ममा सुलभ प्रतिक देउजा र समीक्षा देउजाको लगानी छ। रोशनी अधिकारी देउजा र नीतु श्रेष्ठ देउजा सह–निर्माता हुन्।
विष्णु घिमिरे ‘कल्पित’को छायांकन, मित्र डी गुरुङको सम्पादन, अर्जुन पोखरेलको संगीत तथा रोशन श्रेष्ठको एक्सन निर्देशन रहेको फिल्मका प्रोडक्सन हेड ईश्वर घिमिरे हुन्।
फिल्ममा केकी अधिकारी, आँचल शर्मा, महेश त्रिपाठी, कुशल बिष्ट, आर्यन सिग्देल, हिउँवाला गौतम, सरोज खनाल, बसुन्धरा भुसाल, चैत्यदेवी सिंह, संगम भण्डारी, विजय देउजा, अंशु महर्जन, अभयराज बराल, उत्तम केसी, आशा भुसाललगायतका कलाकारको अभिनय छ।
परिच्छेद सेनको पटकथा तथा संवाद रहेको फिल्ममा गोविन्दु फुयाँल र शिशिर चालिसेको लेखन छ। फिल्मको टिजरले यसअघि नै दर्शकको ध्यान तानिसकेको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.