नेपालको चौधरी ग्रुपसँग सम्बन्धित पिक एक्सभी स्टुडियोज र नेपाली अभिनेता प्रदीप खड्काको सहस्वामित्वमा रहेको ब्यानर पनि फिल्म निर्माणमा जोडिएको छ। नेपाल, भुटान र भारतको सहकार्यमा निर्माण भएको यो फिल्ममा विभिन्न देशका कलाकार तथा प्राविधिकको सहभागिता छ।

फिल्मका लेखक, निर्देशक तथा सम्पादक डीडी किन्लेले पनि चलचित्रको रिलिजलाई लिएर आफू उत्साहित रहेको बताए। “फिल्म अहिले आफ्नो अन्तिम चरणमा छ। कस्तो आउँछ भनेर हामी पनि रोमाञ्चित भइरहेका छौँ। सबैको साथ पाइयो भने यस्ता सहकार्यले फाइदा हुनेछ,” उनले भने।

फिल्ममा भारतीय फिल्ममेकर प्रशान्त कुमार गुप्ता, संगय छेल्ट्रिम र दोर्जी वाङ्चुकसहित विभिन्न निर्माताको सहकार्य रहेको छ। निर्माणपक्षका अनुसार भुटानको शाही सरकारअन्तर्गतको मिडिया, क्रिएटिभ इन्डस्ट्री तथा इन्टेलेक्चुअल प्रोपर्टी विभागको समेत सहयोग रहेको छ।

फिल्मको नेपाल व्यवस्थापन लिभेन्टस् स्टुडियो प्रालिले गरेको हो भने सन्तोष कुमार कार्कीले व्यवस्थापन सम्हालेका छन्।

‘टनेल–२६’मा संगय छेल्ट्रिम, अनुपविक्रम शाही, आना शर्मा, निदुप दोर्जी, डेकी लामो, फुन्टशोक धोन्डेन र रोशनी दादालगायत कलाकार मुख्य भूमिकामा छन्। दोर्जी वाङ्चुक कार्यकारी निर्माता तथा प्रदीप खड्का क्रिएटिभ प्रोड्युसरका रूपमा रहेका छन्।