‘टनेल २६’ असोज २३ गते नेपाल र भुटानमा एकसाथ प्रदर्शनमा आउने तयारीमा छ।

चलचित्रमा नेपालका अभिनेता प्रदीप खड्का र चौधरी ग्रुपका निर्वाण चौधरीले निर्माणमा सहकार्य गरेका छन्। प्रदीप क्रिएटिभ निर्माताका रूपमा रहेका छन्।

सङ्गे फिल्म्स र पिक एक्सभीले प्रस्तुत गरेको चलचित्रको निर्माणमा दोर्जी वाङ्चुक नेतृत्वको डोर्जिस प्रोडक्सन, प्रशान्त कुमार गुप्ता तथा कृष्ण गुप्ताको नेतृत्वको रेल्टिक पिक्चर्स, भुटान सरकारअन्तर्गतको निकाय र निर्देशक डीडी किन्लेको रोलिङ इमेज पिक्चर्सको सहकार्य रहेको छ। चलचित्रका कार्यकारी निर्माता दोर्जी वाङ्चुक हुन्।

फिल्ममा सांगे छेल्ट्रिमसँगै नेपालबाट अनुपविक्रम शाही र आना शर्माको मुख्य भूमिका छ। निदुप दोर्जी, डेकी लामो, फुन्टशोक धोन्डेन र रोशनी दादालगायत कलाकारको पनि अभिनय रहेको छ।