काठमाडौं । मोडल बिक्रम बुढाथोकी चलचित्र ‘बाकस’मार्फत फिल्म क्षेत्रमा डेब्यु गर्ने भएका छन्। नवीन पन्तको लेखन तथा निर्देशनमा निर्माण हुन लागेको चलचित्रमा उनी अनुबन्धित भएका हुन्।
बिक्रमले हालसम्म पाँच सयभन्दा बढी म्युजिक भिडियोमा अभिनय गरिसकेका छन्। उनले गायक प्रमोद खरेलका दुई सयभन्दा बढी गीतका म्युजिक भिडियोमा समेत सहकार्य गरेका छन्। म्युजिक भिडियोमा आफ्नो उपस्थिति बलियो बनाएका बिक्रम अब ठूलो पर्दामा देखिन लागेका हुन्।
निर्माण पक्षका अनुसार ‘बाकस’का अन्य कलाकार तथा प्राविधिक टोली छनोटको काम अन्तिम चरणमा पुगेको छ। यसअघि चलचित्रमा विपना थापा, वर्षा राउत, महेश त्रिपाठी, भोलाराज सापकोटा र सुपला सापकोटा अनुबन्धित भइसकेका छन्।
त्यस्तै बाल कलाकारतर्फ रेखा भण्डारी, अविरल चौलागाईं, सनाज चौलागाईं र सगुन खड्का अनुबन्धित भएका छन्।
सुजिता चौलागाईंको निर्माण रहने चलचित्रमा छत्रबहादुर खड्का सह–निर्माता तथा धीरेन्द्र पन्त ‘धिरु भाइ’ कार्यकारी निर्माता छन्।
चलचित्रमा दीपक शर्मा र सनम पुरुष राईको संगीत रहनेछ। गीत तथा शब्द दीपक शर्मा र निर्देशक पन्तको रहनेछ। मणि तामाङ मुख्य सहायक निर्देशक, किरण दाहाल द्वन्द्व निर्देशक, महेश पौडेल छायाकार र निर्मल न्यौपाने प्रोडक्सन म्यानेजरका रूपमा रहेका छन्।
‘बाकस’को प्रदर्शन मिति भने तय भइसकेको छैन। निर्माण पक्षले छायांकन सम्पन्न भएपछि प्रदर्शन मिति घोषणा गर्ने जनाएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.