काठमाडौं । यमन इन्टरटेन्टमेन्टको आयोजनामा यमन ग्लोबल म्युजिक अवार्ड–२०८३ को पहिलो संस्करण सम्पन्न भएको छ। असोज १० गते शनिबार काठमाडौंको नयाँ बानेश्वर–शंखमुलस्थित आईएनआई सिनेमा हलमा आयोजित समारोहमा संगीत तथा कला क्षेत्रका विभिन्न विधामा ५० वटा अवार्ड प्रदान गरिएको हो।
पारिजात बरालको अध्यक्षतामा सम्पन्न समारोहमा सम्बाहाम्फे प्रोपर्टी डेभ्लोपर्सका अध्यक्ष पूर्णबहादुर सम्बाहाम्फे प्रमुख अतिथिका रूपमा सहभागी थिए। कार्यक्रममा सिक्किम तथा नेपालका विभिन्न क्षेत्रबाट आएका कलाकार, संगीतकर्मी, साहित्यकार तथा कला क्षेत्रका व्यक्तित्वहरूको सहभागिता रहेको थियो।
कार्यक्रमका संयोजक गायक, संगीतकार तथा निर्देशक तारावीर पाण्डे थिए भने प्रस्तोता सुशील नेपाल रहेका थिए। समारोहमा पल शाह, शिव परियार, अर्जुन पोखरेल, प्रकाश सपूत, प्रताप दास, सिम्रन परियार, रचना रिमाल, बबिना भट्टराई, बबिना किराँतीलगायत कलाकार सम्मानित भए।
समारोहमा दीर्घ साधना सम्मानबाट तारा थापा र महाकाव्य सम्मानबाट खेमनाथ दाहाललाई सम्मान गरिएको थियो। सिक्किमबाट आमन्त्रित साहित्यकार तथा कलाकार रिकि लेप्चा, फुर्बा खान्डु गुरुङ, मिलन नेवार, राजनराज शिवाकोटी, अम्बिका गुरुङ र शीतल कादम्बिनी गुरुङलगायतलाई कला तथा साहित्य सम्मान प्रदान गरिएको थियो।
अवार्ड समारोहमा सुन्दर राई, राजु आङ्देम्बे र पवित्रा आचार्यले सांगीतिक प्रस्तुति दिएका थिए। मुख्य प्रायोजक सम्बाहाम्फे प्रोपर्टी डेभ्लोपर्स प्रालि र सह–प्रायोजक मोन्टेसरी एसोसिएसन नेपाल रहेका थिए।
सोही अवसरमा सिक्किम निवासी छबिन गुरुङको शब्द, स्वर तथा संगीतमा तयार भएको ‘आमा’ बोलको गीतसमेत विमोचन गरिएको थियो। तारावीर पाण्डेको निर्देशन रहेको गीतमा कविता आले, छबिन गुरुङ, प्रेमचन्द्र गुरुङ, पवित्रा आचार्य, बाल कलाकार एलेक्स खड्का र संयम कटुवालले अभिनय गरेका छन्।
यमन ग्लोबल म्युजिक अवार्डको पहिलो संस्करणले नेपाल र सिक्किमका कलाकार, संगीतकर्मी तथा साहित्यकारलाई एउटै मञ्चमा जोड्दै कला, संगीत र साहित्य क्षेत्रमा योगदान पुर्याउने व्यक्तित्वलाई सम्मान गरेको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.