समीर–क्रिशुको जोडीमा ‘लालिगुराँस’, ‘१२ गाउँ २’को नयाँ गीत सार्वजनिक

नमस्ते चितवन

शुक्रबार, असोज १६, २०८३ मा प्रकाशित

काठमाडौं । दसैँको अवसर पारेर प्रदर्शनमा आउन लागेको चलचित्र ‘१२ गाउँ २’ को नया गीत सार्वजनिक गरिएको छ ।। चलचित्रमा समावेश ‘लालिगुराँस’ बोलको गीत सार्वजनिक गरिएको हो।

युग भुसालको शब्द तथा संगीत रहेको गीतमा शिव परियार र सरोडी कुमारले स्वर दिएका छन्। रूप महन्ताले म्युजिक प्रोडक्सन, मिक्स तथा मास्टरिङ गरेका छन्। आश्मा दुलाल, मनिषा सुनार र वर्षा राईले कोरसमा साथ दिएका छन्।

गीतको भिडियोमा चलचित्रका मुख्य कलाकार समीर भट्ट र क्रिशु शाही (काफिया)लाई देखाइएको छ। रामजी लामिछानेको कोरियोग्राफी रहेको गीतको भिडियोले यी दुई कलाकारबीचको सम्बन्धलाई केन्द्रमा राखेको छ।

बिराज भट्टको निर्देशनमा तयार भएको ‘१२ गाउँ २’मा बिराज भट्ट, समीर भट्ट, अनूपविक्रम शाही, सुनील पोखरेल, प्रकाश शाह, खुसी कार्की, कालु राना, सुधीर श्रेष्ठ, पुष्कर भट्ट, राज हमाल, प्रजल दुलाल, कमल देवकोटा, सहित सिंह ठकुरी, अर्जुन आचार्य, शिवकुमार सिंह, नेहा आरएल शाह र पूर्णबहादुर गन्धर्वलगायत कलाकारको अभिनय छ। क्रिशु शाही (काफिया) र वर्षा इटानीले यसै चलचित्रबाट डेब्यु गर्दैछन्।

सरस्वती भट्टको निर्माण रहेको चलचित्रको कथा तथा लेखन सन्तोष सरकारले गरेका हुन्। महेश पौडेलको छायांकन, बन्दे प्रसादको सम्पादन तथा सिल्भा र शंकर महर्जनको एक्सन निर्देशन रहेको छ।

काफिया फिल्म्सका गोविन्द शाही र कुबेर सिने डिस्ट्रीब्युसनले वितरण गर्ने चलचित्र ‘१२ गाउँ २’ असोज ३० गते अर्थात् अक्टोबर १६ देखि देशभर प्रदर्शनमा आउँदैछ।