काठमाडौँ । चलचित्र ‘बाः एक योद्धा’ले प्रदर्शनको १० दिनमा दुई करोड रुपैयाँ नजिकको ग्रस कलेक्सन गरेको छ। गत शुक्रबारदेखि प्रदर्शनमा आएको चलचित्रले आइतबारसम्म १० दिनमा १ करोड ९३ लाख ६ हजार ४ सय ६५ रुपैयाँ ग्रस कलेक्सन गरेको हो।
निर्माण पक्षका अनुसार चलचित्र १० दिनमा ६५ हजार ५ सय ६० दर्शकले हेरेका छन्। प्रदर्शनको सुरुवाती चार–पाँच दिनपछि पिकअप लिन थालेको चलचित्र अहिले उत्साहजनक रूपमा चलिरहेको निर्देशक हरि लम्सालले बताएका छन्।
दर्शकबाट प्राप्त सकारात्मक ‘वर्ड अफ माउथ’का कारण चलचित्रप्रति दिनप्रतिदिन चाप बढ्दै गएको उनको भनाइ छ। निर्देशक लम्सालका अनुसार चलचित्रका शो थपिने क्रम पनि बढिरहेको छ।
“शो थपिने क्रम बढ्दै गएको छ। चलचित्र राम्रो र हेर्नैपर्ने भन्ने दर्शकको प्रतिक्रिया आइरहेको छ,” लम्सालले भने, “त्यसैले अबका दिनमा दर्शकले हाम्रो चलचित्रलाई थप साथ दिनुहुने हाम्रो विश्वास छ।”
‘बाः एक योद्धा’ले नेपाली समाजमा सन्तानको भविष्यका लागि बाबुले गर्ने त्याग, संघर्ष र जीवनभर भोग्ने चुनौतीको कथा प्रस्तुत गरेको छ। सन्तानको इच्छा पूरा गर्न आमाबाबुले गर्ने संघर्षदेखि वृद्ध अवस्थामा उनीहरूले भोग्ने उपेक्षा र दुःखसम्मका विषयलाई चलचित्रले कथाको केन्द्रमा राखेको छ।
चलचित्रमा दिव्यदेव, झरना थापा, सुहाना थापा, माओत्से गुरुङ, अनिल बुढाथोकी, सागर खनाल, शिशिर सिवाकोटी, सुप्रज्ञा शर्मा र शवि थापालगायतका कलाकारको अभिनय रहेको छ।
हरि लम्सालको लेखन तथा निर्देशनमा बनेको चलचित्र आर्टिस्टिक इन्टरटेनमेन्टको ब्यानरमा निर्माण भएको हो। कथा तथा पटकथा पनि निर्देशक लम्सालकै रहेको चलचित्रका निर्माता वसन्त लम्साल हुन्।
अनिल बुढाथोकी कार्यकारी निर्माता, अर्जुन पौडेल लाइन प्रोड्युसर तथा कृष्ण काफ्ले सह–निर्माताका रूपमा रहेका छन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.