असोज २ , बागलुङ । बागलुङमा आगामी मंसिर ४ गते हुने प्रदेश तथा प्रतिनिधिसभा निर्वाचनका लागि पाँच दलीय गठबन्धनले अधिकांश क्षेत्रमा सिट बाँडफाँड गरिसकेका छन्। हालको सिट बाँडफाँड अनुसार बागलुङका दुईवटै क्षेत्रमा नेपाली कांग्रेसको भागमा परेको छैन।
एउटा पनि क्षेत्रमा कांग्रेसले भाग नपाएपछि कार्यकर्ता असन्तुष्ट बनेका छन्। दुईक्षेत्र मध्ये क्षेत्र नम्बर १ मा राष्ट्रिय जनमोर्चा र क्षेत्र नम्बर २ नेकपा माओवादी केन्द्रको भागमा पर्ने गरी शीर्ष नेताले सहमति गरेका छन्। कांग्रेस दुईवटै क्षेत्रमा उत्तिकै शक्तिशाली छ।
कांग्रेस बागलुङका नेता तथा कार्यकर्ताहरूले आफ्नो पकड क्षेत्र अरुलाई छोड्न नसकिने भन्दै विरोध गरिरहेका छन्। उनीहरुले केन्द्रीय तहका नेतालाई दबाब सिर्जना गर्नुका साथै खबरदारीसमेत गरेका छन्।
क्षेत्र नम्बर १ मा राष्ट्रिय जनमोर्चाका अध्यक्ष चित्रबहादुर केसी र क्षेत्र नम्बर २ मा शिक्षा मन्त्री तथा माओवादी केन्द्रका सचिव देवेन्द्र पौडेल नै उठ्ने भएपछि कांग्रेसका कार्यकर्ता विरोधमा उत्रिएका हुन्। यस अगाडिको निर्वाचनमा पनि पौडेल २ नम्बर क्षेत्रबाट बाम गठबन्धनका तर्फबाट निर्वाचित भएका हुन्।
यस अघि बागलुङ–१ मा कांग्रेसको भाग पर्ने भनी चर्चा चलेको थियो तर केसी नै निर्वाचन लड्ने भएपछि कांग्रेसको संभावना न्यून भएको हो। क्षेत्र नम्बर २ मा भने गठबन्धनमा माओवादीकै चर्चा चलेको थियो।
अघि अघिल्लोपटक माओवादी केन्द्रले जितेको आधारमा बागलुङ–२ छोड्न कांग्रेसका नेता कार्यकर्ता तयार भए पनि क्षेत्र नम्बर १ पनि अर्को दललाई भाग पर्दा कार्यकर्ता निरीह भएका हुन्। जुन क्षेत्र भए पनि कांग्रेसका भागमा एउटा हुनुपर्ने कार्यकर्ताको माग छ।
झण्डै ४५ प्रतिशत कांग्रेसका मतदाता जिल्लामा एउटा पनि प्रतिनिधि सभामा प्रत्यक्षका लागि सिट नपाउनु कांग्रेसको मतको सम्मान हुन नसकेको महाधिवेशन प्रतिनिधि डिल्लीराम सुवेदीले बताए। जनताको जनमत र कार्यकर्ताको इच्छाभन्दा बाहिर गएर गरिएको निर्णय जनमतको विपरीत भएको उनी बताउँछन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.