सङ्घीय संसद्का दुवै सदन आइतबारदेखि सुचारु हुने भएका छन् । कानुनमन्त्री गिरीका अनुसार चार दलको बैठकमा सदन नियमित गर्ने र कार्यादेशको काम पनि अगाडि बढाउने गरी सहमति जुटेको छ ।

संसद्को नियमित काममा अगाडि बढाउने, त्यसमा कांग्रेसले सहयोग पुर्‍याउने सहमति भएको छ । आइतबारकै बैठकमा उपप्रधानमन्त्री एवं गृहमन्त्री रवि लामिछानेलाई बोल्न दिने समझदारी पनि भएको छ ।

यसअघि आइतबार नै प्रधानमन्त्री प्रचण्ड, एमाले अध्यक्ष ओली र सभामुख देवराज घिमिरेबिच नीति तथा कार्यक्रमलाई पारित गर्ने वातावरण बनाउने सन्दर्भमा छलफल भएको छ ।

सभामुख घिमिरेले प्रधानमन्त्री प्रचण्डले जेठ ७ गते विश्वासको मत लिन सरकारले संसद्लाई पत्र पठाइसकेकाले विश्वासको मत लिन शान्तिपूर्ण ढङ्गबाट लिनुपर्ने हुँदा सदन खुलाउने वातावरण बनाउन आग्रह गरेको थियो ।

प्रधानमन्त्री विश्वासको मत लिने कार्यक्रम सौहार्दपूर्ण बनाउन सदन चल्ने सहमति निर्माणका लागि आग्रह गरेको हो । आइतबारदेखि सदनको नियमित कामकारबाही सुरु हुने छ ।