बागलुङ : बागलुङ नगरपालिका–७ कालिमाटीका एक उद्यमीले कुखुरापालनबाट मासिक एक लाख ५० हजार बचत गर्ने गरेका छन्।यहाँका ओमराज शर्माले ग्रिनल्याण्ड बहुउद्देश्यीय कृषि फार्ममा पाँच हजार कुखुरा पालेर यहाँ फार्मबाट दैनिक पाँच हजार अण्डा बजारमा पठाउने गरेका छन्। १२ वर्ष कतार बसेर फर्किएका शर्माले कुखुरापालनमा आम्दानी र जोखिम बराबर रहेको बताए।
‘तीन हजार कुखुरा पाल्दै आएको थिएँ। हाल थप दुई हजारले अण्डा दिन शुरु गरेका छन्। दैनिक पाँच हजार अण्डा बजार बेच्ने गरेको छु’, शर्माले भने। एक करोड ५० लाख लागतमा फार्म स्थापना गरी सञ्चालनमा ल्याएका उनले अण्डाको बजारीकरणका लागि बागलुङ बजारमा डिपो, एउटा पिकअप जिप र चार जनालाई प्रत्यक्ष रोजगारी दिएका छन्।
शर्मा फार्मको कमाइबाट आफू सन्तुष्ट रहेको बताउँछन्। अहिले कर्मचारीलाई तलब खर्च कटाए मासिक रु एक लाख ५० हजार बचत हुने गरेको उनले बताए।
अण्डा बिक्रीका लागि बजार अभाव नभएको बताउँदै बाहिरबाट आउने अण्डाका कारण मूल्य भने अस्थिर हुने गरेको उनले बताए। किसानलाई स्थानीय सरकारले प्राविधिक सहयोग गर्नुपर्नेमा उनले जोड दिए।
कुखुराभन्दा गाईबाख्रा पाल्न सहज हुने उनको अनुभव छ । त्यसैले अब उहाँ व्यावसायिक रूपमा गाई र बाख्रापालनगर्ने सोचमा छन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.