यद्यपि उमेरहदसम्बन्धी निर्वाचन प्रक्रियालाई लिएर निवर्तमानबाट अध्यक्षका दाबेदारहरू असन्तुष्ट देखिएका छन् । निर्वाचन आयोगका भूमिकाप्रति पनि उनीहरूले विरोध जनाएका छन् । नेता पवन कार्की, केशव रावल लगायत निवर्तमान उपाध्यक्षहरूले निर्वाचनमा धाँधली भएको विषयमा छानबिन नगरी निर्वाचन प्रक्रिया अगाडि बढाउन नदिने चेतावनी दिएका छन् ।

असोज १० देखि १५ सम्म त्रिभुवन विश्वविद्यालयस्थित स्मृति हलमा भएको क्रान्तिकारीको २३ औँ राष्ट्रिय सम्मेलनमा उमेरहद लगाउने कि नलगाउने सम्बन्धमा विवाद हुँदा स्थगित भएको थियो । त्यतिबेला १० वटा समूहगत छलफलबाट आएका निष्कर्षको आधारमा २८, ३० र ३२ वर्षे उमेरहद राख्नुपर्ने सुझाव आएको थियो ।

विवाद समाधानका लागि पुस ९ गते माओवादीको केन्द्रीय कार्यालय पेरिसडाँडामा बसेको निवर्तमान अध्यक्ष पञ्चा सिंह, संगठनको इन्चार्ज हिमाल शर्मा, प्रमुख निर्वाचन अधिकृत मुक्ति प्रधान लगायतको संयुक्त बैठकले ३२ वर्ष उमेरहद लगाउने सहमति गरेको थियो ।