काठमाडौं ,जेठ २१
इन्डियन प्रिमियर लिग (आइपिएल)को उपाधि रोयल च्यालेन्जर्स बैंग्लोरले उपाधि जितेको छ।मंगलबार खेलिएको फाइनलमा टोलीले पञ्जाब किंग्सलाई ६ रनले पराजित गरेको हो। यससँगै आइपिएलले १८ औं सिजनमा आठौं च्याम्पियन टोली पाएको छ।
यसअघि चेन्नई सुपर किंग्स (५ पटक), मुम्बई इन्डियन्स (५ पटक), कोलकाता नाइट राइडर्स (३ पटक), राजस्थान रोयल्स (१ पटक), डेक्कन चार्जर्स (१ पटक), सनराइजर्स हैदराबाद (१ पटक) र गुजरात जायन्ट्स (१ पटक) च्याम्पियन बनिसकेका छन्।
अहमदाबादको नरेन्द्र मोदी रंगशालामा १९१ रनको लक्ष्य पछ्याएको पञ्जाबले ७ विकेट गुमाउँदै १८४ रन मात्र बनाउन सक्यो। पञ्जाबका सशंक सिंहले सर्वाधिक ६१ रन बनाए। अविजित रहेका उनले ३० बलमा ३ चौका र ६ छक्का प्रहार गरे।
जोश इङ्लिसले २३ बलमा १ चौका र ४ छक्कासहित ३९ रन बनाए। प्रभसिमरन सिंहले २२ बलमा २ छक्कासहित २६ रन बनाए। प्रियांश आर्य २४ र नेहल वधेरा १५ रनमा आउट भए।बैंग्लोरलाई उपाधि दिलाउन भुवनेश्वर कुमार र कृणाल पाण्ड्याले समान २ विकेट लिए।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.