काठमाडौँ , मंसिर १२
आठ वर्षपछि निर्देशकको कुर्सीमा फर्किएका लक्ष्मण रिजालले निर्माण गरिरहेको नयाँ चलचित्र ‘काजी’ ले आधिकारिक रूपमा प्रदर्शन मिति सार्वजनिक गरेको छ। फर्स्ट लुक पोस्टरसँगै रिलिज डेट घोषणा गर्दै निर्माण टिमले चैत २७ गते दर्शकलाई हलसम्म निम्तो गरेको हो। नयाँ वर्षको छुट्टीसँगै रिलिज हुने भएकाले फिल्मले राम्रो दर्शक आधार पाउने अपेक्षा गरिएको छ।
फर्स्ट लुकमा मुख्य अभिनेता विपिन कार्कीलाई नयाँ अंदाजमा प्रस्तुत गरिएको छ। चिटिक्क मिलाइएको कपाल, दारी र सर्ट पहिरनमा उनी गम्भीर मुद्रामा कतै टोलाउँदै देखिन्छन्—जसले उनको चरित्रमा गहिरो सोच र भावनात्मक तानाबाना संकेत गर्छ। पोस्टरको अर्को भागमा केकी अधिकारीलाई विपिनको मुटुकै वरिपरि अडिएको भावले देखाइएको छ, जसले उनीहरूबीचको स्मृतिमा टेकेको पारिवारिक प्रेमकथाको धागो सूचित गर्छ।
विपिन–केकीको जोडीसँगै चलचित्रमा गरिमा शर्मा, प्रकाश घिमिरे, हेमन्त बुढाथोकी, विशाल पहारी, विनोद न्यौपाने, रश्मी भट्ट, हिउवाला गौतम, सन्दिपबाबु लोहनी, रोजी श्रेष्ठ, गंगा शर्मा, नवराज गिरि, बुद्धी सागर खनाल, प्रशंसा सुवेदी, कृतिका शर्मा र बाल कलाकार दिक्षिता अर्याललगायत कलाकारको अभिनय रहनेछ।
यससँगै निर्देशक रिजालले झन्डै एक दशकपछि निर्देशनमा पुनरागमन गर्दै आफूले ‘खोजेको जस्तै’ स्क्रिप्ट मिलेपछि ‘काजी’ निर्देशनमा हात हालेको बताएका छन्। उनले यसअघि ‘कसम’, ‘धुँवा यो नसा’, ‘अलविदा’, ‘कायरा’ निर्देशन गरेका थिए भने ‘डिसेम्बर फल्स’ र ‘गणपति’ निर्माण गरेका थिए।
रिजाल एण्ड रिजल प्रोडक्सनको व्यानरमा बनेको फिल्मका निर्माता रामप्रसाद रिजाल हुन्।कथालाई प्रदीप भारद्धाजले लेखेका छन्, छायांकन चिन्तन राजभण्डारीको छ। संगीतमा कालिप्रसाद बास्कोटा, प्रोडक्सन डिजाइनमा ओजस्वी ओझा, रङ्ग संयोजनमा श्याम कुँवर, साउन्ड डिजाइनमा सागर अर्याल, ब्याक्ग्राउन्ड स्कोरमा सुजिल कर्माचार्य रहेछन्।
क्रिएटिभ हेड रोनाल्ड श्रेष्ठ, नृत्य निर्देशन कविराज गहतरजको छ। सम्पादन सुपरभाइजर बनिश शाह, सम्पादक बिपिन मल्ल हुन्।कार्यकारी निर्माता असिम काफ्ले, निर्माता नेहान रिजाल र विकास राज जोशी छन्। वितरण जिम्मा श्रीराम बालाजी फिल्म्सले लिएको छ।
फर्स्ट लुकले ‘काजी’लाई भावनात्मक, स्मृतिसँग मिसिएको लभ–ड्रामाको रूपमा प्रस्तुत गरेको देखिन्छ। अब दर्शकहरूलाई भने चैत २७ सम्म प्रतीक्षा—के ‘काजी’ले नेपाली दर्शकको मन कति जित्छ भन्ने त्यो दिन खुल्नेछ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.