काठमाडौं, मंसिर १५
आगामी चैत २७ गते देखि प्रदर्शनमा आउने नेपाली फिल्म ‘डल्लेले इन्ट्री मार्यो’ को फर्स्ट लुक सार्वजनिक गरिएको छ। निर्माण टिमले सोमबार फिल्मको पहिलो पोस्टर सार्वजनिक गर्दै मुख्य अभिनेता सागर लम्साल (बले) लाई केन्द्रमा राखिएको आकर्षक लुक्स सार्वजनिक गरेको हो।
पोस्टरमा बले सिगरेट तान्दै झुम्म परेका दृश्यमा देखिन्छन्। कतैकतै निदाएको जस्तो लाग्ने उनको अभिव्यक्तिले क्यारेक्टरको मनोदशा र कथाभित्रको संघर्ष झल्काउँछ। पोस्टरले विशेषगरी युवापुस्तामा बढ्दो कुलत र त्यसको प्रभावबारे निर्देशकले केही सन्देश दिन खोजेको बुझिन्छ।
फर्स्ट लुकमा सागर लम्साललाई मात्रै देखाइएको छ, अन्य कलाकारलाई समावेश गरिएको छैन, जसले बलेको भूमिकालाई फिल्मको प्रमुख आकर्षणका रूपमा प्रस्तुत गरेको छ।
फिल्मको ९० प्रतिशत छायांकन कास्कीको याङ्जाकोट क्षेत्रमा गरिएको हो भने बाँकी दृश्य काठमाडौंको गागलफेदी आसपास खिचिएको छ।
फिल्मलाई राजु गिरी ले निर्देशन गरेका हुन्। पटकथा तथा संवाद लक्ष्मण सुवेदी ले लेखेका छन्। उनी यसअघि पनि आधा दर्जनभन्दा बढी फिल्म लेखन तथा निर्देशन गरिसकेका अनुभवी चलचित्रकर्मी हुन्।
फिल्ममा सागर लम्सालसँगै रोशनी खड्का, रमेश बुढाथोकी, हेमन्त बुढाथोकी, रबिन्द्र झा, कैलास रावत, बिशाल पहाडी, ध्रुव कोइराला, साबित्रा चिलुवाल, आशा पौडेल, लक्ष्मीनाथ तिमिल्सिना, ओसिन भट्टराई, मोहनकृष्ण श्रेष्ठ, सुचेन्द्र परियार, रामहरि खड्का, रमेश अधिकारी, माधव खनाल, सुस्मा केसी, नवराज गिरि लगायत कलाकारको अभिनय छ। निर्देशक राजु गिरी स्वयं पनि फिल्ममा देखिनेछन्।बाल कलाकारमा कंगना गिरी, रोनिश खड्का र काजल गिरी छन्।
फिल्मको प्रमुख टेक्निकल टिममा मुख्य सहायक निर्देशक बिनयराज पौडेल, छायांकन श्याम तामाङ, निर्माण व्यवस्थापन सुमन काफ्ले, तथा कथा उमेश कुमार बस्नेत रहेका छन्।फिल्मको निर्माण उषा फिल्म्स प्रालि ले गरेको हो भने वितरण नेसनल सिने ग्रुप ले गर्नेछ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.