काठमाडौं । टी–२० विश्वकपअन्तर्गत आफ्नो अन्तिम खेलमा नेपालले स्कटल्यान्डविरुद्ध सात विकेटको जित हासिल गरेको छ।टस जितेर नेपालले फिल्डिङ रोजेको थियो। नेपाललाई स्कटल्यान्डले १७१ रनको लक्ष्य दिएकोमा नेपालले सात विकेटको जित निकालेको हो।
स्कटल्यान्ड दिएको १७१ रनको लक्ष्य नेपालले १९.२ ओभरमा ३ विकेटको क्षतिमा पूरा गर्यो।नेपालको जितमा दीपेन्द्रसिंह ऐरीले नटआउट ५० रन जोडे। ऐरीसँग साझेदारी गरिरहेका गुल्सन झाले नटआउट २४ रन जोडेका छन्।
नेपालका लागि ओपनर कुशल भुर्तेलले ३५ रनको योगदान दिए। अर्का ओपनर आसिफ शेखले ३३ रन जोडेका थिए। कप्तान रोहित कुमार पौडेलले नेपालको जितका लागि १६ रन जोडे थिए। स्कटल्यान्डका लागि मिचेल लिस्कले ३ विकेट लिएका थिए।
त्यसअघि स्कटल्याण्डका लागि ओपनर माइकल जोन्सले अर्धशतक प्रहार गरेका थिए। उनले ४५ बलमा आठ चौका र तीन छक्काको सहयोगमा ७१ रनको योगदान दिएका थिए।
त्यस्तै, जर्ज मुन्सेले २७ र ब्राण्डन म्याकमुलेनले २५ रन जोडे। बलिङतर्फ नेपालका सोमपाल कामीले तीन विकेट लिए भने नन्दन यादवले २ विकेट लिएका थिए।त्यस्तै रोहित पौडेल र कुशल भुर्तेलले समान एक/एक विकेट झारेका थिए।
मुम्बईको वानखेडे मैदानमा स्कटल्याण्डलाई हराउँदै यस विश्वकपमा सान्त्वना जित निकालेको नेपालले सन् २०१४ पछि टी२० विश्वकपमा पहिलो खेल जितेको हो । सन् २०१४ मा बंगलादेशमा विश्वकपमा डेब्यु गर्दा हङकङ र हफगानिस्तानलाई पराजित गरेको नेपालले त्यसयता ६ खेलमा हार व्यहोरेको थियो ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.