जन्मदिनमा अनमोल केसी को सरप्राइज, ‘बाटुलो जून’ दशैंमा आउने

नमस्ते चितवन

मङ्गलबार, चैत १७, २०८२ मा प्रकाशित

काठमाडौं — अनमोल केसी को जन्मदिनको अवसर पारेर चलचित्र ‘बाटुलो जून’ को प्रदर्शन मिति घोषणा गरिएको छ। सनराइज पिक्चर्स प्रा.लि.को ब्यानरमा बनेको फिल्म आगामी वर्ष २०८३ को दशैंको फुलपाती (असोज ३० / अक्टोबर १६) मा रिलिज हुने भएको हो।

पोस्टरमार्फत सार्वजनिक गरिएको फिल्ममा अनमोलसँगै प्रिन्सी खतिवडा फिचर्ड छन्। पूर्णिमाको जून पृष्ठभूमिमा देखाइएको पोस्टरमा अनमोल फरक अवतारमा प्रस्तुत भएका छन्।

जन्मदिनको अवसरमा पोस्टर सार्वजनिक गर्दै अनमोलले दर्शकलाई ‘दशैंमा भेटौंला’ सन्देश दिएका छन्।

ग्रामीण प्रेमकथामा आधारित फिल्मका निर्माता जीया केसी र भविष्य खड्का हुन्। फिल्मलाई भुवन केसी ले निर्देशन गरेका छन्, जसमा उनी स्वयं पनि मुख्य भूमिकामा देखिनेछन्।