रबिचन्द्र अधिकारी
प्रधानमन्त्री पुष्पकमल दाहाल ‘प्रचण्ड’ भरतपुर भ्रमण वर्ष २०२४को उद्घाघाटन गर्न आजै चितवन पुग्नु भएको छ ।
विहिबार चितवन पुग्नु भएका प्रधानमन्त्री प्रचण्डले पत्रकारसंग कुराकानी गर्नुहुदै भरतपुर महानगरले तिब्रगतिमा विकासको फड्को मारेको बताउनु भयो । उहाँले भरतपुर महानगरपालीका कार्यसम्पादन मूल्याङ्कनमा नेपालकै उत्कृष्ट महानगरपालीका स्थापीत हुनु र भरतपुर महानगरपालीकाको प्रमुख मेयर रेणु दाहालले अन्तराष्ट्रिय सम्मान प्राप्त गर्नु एक्कै पटक पर्नु भरतपुर महानगरले विकासमा फड्को मारेका प्रमाणीत भएको बताउनु भयो ।
प्रधानमन्त्री प्रचण्डले गौतमबुद्ध अन्तर्राष्ट्रिय क्रिकेट रंगशाला निर्माणका लागि भरतपुर महानगरले आजै टेण्डर आह्वान गरेकोमा खुसि व्यक्त गर्नु भयो । उहाँले आफुले यो सपना पहिल्यैदेखि देखेको र त्यो सपना अव पुरा हुनेतिर गएको बताउनु भयो । उहाँले भरतपुर विमानस्थन विस्तारको सबै नितिगत निर्णयहरु संघीयसरकारबाट भईसकेकोले यो प्रक्रिया चाडै अगाडी बढ्ने बताउनु भयो ।
पत्रकारको प्रश्नमा प्रधानमन्त्री प्रचण्डले राष्ट्रियसभाको अध्यक्ष माओवादी पार्टिले पाउनुपर्ने विषयमा पार्टीभित्र लिखित निर्णय नभएको बताउनु भयो । माओवादीको स्थायी कमिटी बैठकमा राष्ट्रियसभाको अध्यक्ष माओवादीले पाउनुपर्नेमा अधिकांश सदस्यहरूको जोड रहेपनि पार्टीले लिखितरूपमा कुनै निर्णय नगरेको बताउनु भयो । उहाँले कोशीमा कांग्रेसकै कारण माओवादी उम्मेदवार पराजित भएकाले नेता कार्यकर्ता आक्रोशित भएको बताउनु भयो ।
भरतपुर महानगरपालिकाले भोली फागुन १८ गते नारायणी नदी किनारमा भरतपुर भ्रमण वर्ष २०२४ को भव्य रुपमा उद्घाटन गर्दैछ । सोहि कार्यक्रमको उत्घाटन गर्न प्रधानमन्त्री प्रचण्ड भरतपुर पुग्नु भएको हो ।
उद्घाटन समारोह कार्यक्रममा पूर्व प्रधानमन्त्री, संघीय सरकारका मन्त्री, सातै प्रदेश प्रमुख, मुख्यमन्त्री, मन्त्रीहरू, संघ तथा प्रदेश सांसदहरु लगायतको उपस्थिती रहनेछ ।
करिब ५० हजार सहभागी हुने अपेक्षा गरिएको उद्घाटन कार्यक्रममा राष्ट्रिय कालकारहरूको प्रस्तुति, विभिन्न साँस्कृतिक झाँकीहरु प्रर्दशन गरिने महानगरले जनाएको छ ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.