आदिवासी जनजाति अपाङ्गता महिलाको ३ दिने सम्मेलन शनिबारदेखि सुरु भएको छ।
आदिवासी जनजाति अपाङ्ग महिला सङ्घ (निडवान)को आयोजनामा राजधानीमा सुरु भएको सम्मेलनमा नौ देशका आदिवासी अपाङ्ग महिलाको सहभागिता छ।
सङ्घका अध्यक्ष प्रतिमा गुरुङले सम्मेलनमा बंगलादेश, पाकिस्तान, म्यानमार, कम्बोडिया, इन्डोनेसिया, म्यानमार, मलेसिया, भारत र नेपाल लगायतका देशका महिला सहभागी भएको जानकारी दिनुभयो।
उहाँले मानव अधिकारकारको सर्वव्यापी ढाँचा अनुसार आदिवासी अपाङ्गता भएका महिलाको शैक्षिक, आर्थिक, सामाजिक तथा सांस्कृतिक अधिकारको सुनिश्चितताका लागि सरोकारवाला पक्षले ध्यान दिनुपर्ने बताउनुभयो।
तीन दिनको सम्मेलन पश्चात् तयार भएको दस्तावेज मानव अधिकार आयोग, आदिवासी जनजाति आयोग लगायत अपाङ्गताको हक, अधिकारको सवालमा काम गर्ने संस्थामा बुझाइने उहाँको भनाइ छ।
मानव अधिकार आयोगका अध्यक्ष टोपबहादुर थापा मगरले संविधानले व्यवस्था गरेको अधिकार सातै प्रदेशमा कसरी पुर्याउन सकिन्छ भनेर सरकार समक्ष सिफारिस गर्ने काम भएको बताउनुभयो।
आदिवासी जनजाति महासंघका महासचिव दिवस राईले अपांगता भएका महिला दोहोरो मारमा परेको बताउनुभयो।
राज्यले आदिवासी सवाललाई बेवास्ता गर्दै आएको भन्नुहुँदै उहाँले उनीहरुको आवाजलाई सम्बोधन गर्न नसकेको बताउनुभयो।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.