उमेरहदले बिदा भएका विद्यार्थी नेतालाई उचित जिम्मेवारी दिने प्रचण्डको प्रस्ताव

नमस्ते चितवन

आइतबार, पुष २१, २०८१ मा प्रकाशित

नेकपा माओवादी केन्द्रका अध्यक्ष पुष्पकमल दाहाल प्रचण्डले विद्यार्थी संगठन अनेरास्ववियु क्रान्तिकारी भित्रको विवाद समाधानका लागि पार्टीले जिम्मेवारी लिने प्रस्ताव गर्नु भएको छ । धुम्बाराहीस्थित स्मार्ट दरबार व्याङ्क्वेटमा आइतबारबाट सुरु भएको केन्द्रीय समिति बैठकमा विवाद समाधानमा अपनत्व लिनेगरी प्रस्ताव ल्याउनु भएको हो ।

‘विद्यार्थी भित्रको समस्या समाधानमा पार्टीले वनरशिप लिनेगरी अध्यक्षले प्रस्ताव ल्याउनुभएको छ । ३२ वर्ष उमेरहद लागेका विद्यार्थी नेताहरूलाई पार्टीको महत्त्वपूर्ण जिम्मेवारी दिने । यसका लागि कार्यदल बनाउने । कार्यदलले उनीहरूको रुचि र क्षमताअनुसार जिम्मेवारी दिने प्रस्ताव ल्याउनुभएको छ’, केन्द्रीय सदस्य हिमाल शर्माले भन्नु भयो ।

यस्तै नेताहरूको कार्य विभाजनबारे प्रचण्डले बैठकमा खाका मात्र प्रस्तुत गरेपनि ठोस रूपमा आएको छैन । यद्यपि नेताहरूको जिम्मेवारीमा केही फेरबदल गर्न सकिने, निष्क्रिय नेतालाई हटाउने भनिएको छ । तर तोकिएर नै कसलाई हटाउने वा कुन जिम्मेवारी दिने भन्ने विषयमा प्रस्ताव नआएको शर्माले जानकारी दिएका छन् ।