बैठकले सरकारसँग राख्ने माग र विपक्षी दलहरुको रणनीतिको मस्यौदा तयार पार्न माओवादी केन्द्रका नेता वर्षमान पुन र एकीकृत समाजवादीका नेता बेदुराम भुसाललाई जिम्मेवारी दिएको थियो । त्यसैलाई आज पत्रकार सम्मेलन गरी सार्वजनिक गर्न लागिएको हो ।

यसबीचमा सत्ता पक्षमा रहेर मधेश प्रदेश सरकारको नेतृत्व गरिरहेको सीके राउत नेतृत्वको जनमत पार्टी, उपेन्द्र यादव नेतृत्वको जसपा र नेमकिपालाई समेत विपक्षी गठबन्धनमा समेट्न प्रयास गर्ने निर्णय समेत विपक्षी दलहरुको बैठकले गरेको थियो ।

सत्ता गठबन्धनले ६ महिना पार गर्दैगर्दा विपक्षी दलहरूले सरकारप्रति आक्रामक हुने संकेत देखाएका छन् । उनीहरूको संकेतलाई प्रधानमन्त्री केपी शर्मा ओलीले भने ‘मसिना ढुंगा हानेर विशाल नदी थुन्ने प्रयास’ गरेको भनी कटाक्ष गरेका छन् ।