काठमाडौँ, मंसिर १५
निर्देशक दीपक प्रसाद आचार्य ‘काकु’ निर्देशित चलचित्र ‘परान’ ले प्रदर्शनको एक महिनामै १६ करोड १६ लाख ७७ हजार ५५८ रुपैयाँ ग्रस कमाइ गर्दै यस वर्षको सर्वाधिक सफल चलचित्र बनेको छ।
कात्तिक १४ गतेबाट प्रदर्शनमा आएको यस चलचित्रले ५ लाख ६९ हजार ७५४ टिकट बिक्री गरेको छ।यो कमाइसँगै ‘परान’ २०८२ सालको अहिलेसम्मकै सर्वाधिक कमाइ गर्ने चलचित्र बनेको छ।
अन्य चलचित्रहरूको बक्स अफिस स्थिति
‘जारी २’
चौथो हप्तामा प्रवेश गरेको ‘जारी २’ ले अहिलेसम्म २ लाख ६ हजार २३९ टिकट बिक्री गर्दै ६ करोड १९ लाख ३५ हजार ८५३ रुपैयाँ कलेक्सन गरेको छ।
‘मन बिनाको धन’
‘जारी २’ सँगै प्रदर्शनमा आएको ‘मन बिनाको धन’ ले १ लाख ४३ हजार ३३५ टिकट बिक्री गर्दै ३ करोड ७४ लाख ९१ हजार ४६१ रुपैयाँ कमाइ गरेको छ।
‘जेरी अन टप’
अनमोल केसी स्टारर चलचित्र ‘जेरी अन टप’ ले शनिबार राति १२ बजेसम्म ३ लाख ९० हजार ९०४ टिकट बिक्री गर्दै १२ करोड २३ लाख ५२ हजार ३१५ रुपैयाँ व्यापार गरेको छ।
चलचित्र ‘परान’ को लगातार उकालो बक्स अफिस प्रदर्शनले यस वर्ष नेपाली फिल्म उद्योगलाई ठूलो राहत दिएको उद्योग विश्लेषकहरूले बताउँदै आएका छन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.