फिल्मले अस्ट्रेलियामा स्थायी आवास (पीआर) पाउन नेपाली विद्यार्थीले गर्नुपर्ने संघर्ष र घरपरिवारको आर्थिक दायित्वसँग जुध्नुपर्ने अवस्थालाई कथाको केन्द्र बनाएको छ। नेपाल र अस्ट्रेलियामा छायांकन गरिएको फिल्मले वैदेशिक अध्ययनको सामाजिक यथार्थलाई उठाएको निर्देशक बस्नेत बताउँछन्। अभिनेत्री रेजिना उप्रेतीले पनि फिल्मका केही दृश्यहरूले आफू भावुक बनेको प्रतिक्रिया दिइन्।

सलोन सलिना फिल्म्सको ब्यानरमा बनेको यस फिल्ममा आर.ए. सुरज पौडेल, विनिता कार्की, राजन कुँवर, पूजा चौधरी, आश्मा अधिकारी मस्तानी, विमला खत्री, गणेश बुढाथोकी, म्याक्स कृष्ण थापा र नवीन घायल प्रमुख भूमिकामा छन्। नीर शाह, गौरी मल्ल, रविन्द्र खड्का, उत्तम के.सी. नेपाल र दिक्पाल कार्की विशेष भूमिकामा देखिन्छन्।

रञ्जित साह र सन्तोष तिवारी प्रस्तुतकर्ता रहेको फिल्ममा लगानी लक्ष्मण सापकोटा र प्रदीप दाहालको छ। बन्दे प्रसादले सम्पादन गरेका छन् भने लेखन गणेश बुढाथोकीको हो। फिल्मको छायांकन सौरभ सायमी र सौरभ लामाले गरेका छन्। वितरण आरआर फिल्म्सले गर्नेछ।फिल्म यही शुक्रबार (मंसिर २६)देखि देशभरका हलमा प्रदर्शनमा आउनेछ।