‘मितज्यू’को छायांकन सुरु, जेठ १५ मा प्रदर्शन हुने

नमस्ते चितवन

शनिबार, माघ १०, २०८२ मा प्रकाशित

काठमाडौं । फिल्म ‘घरज्वाइँ’ निर्देशन गरेका अनिल बुढा मगरको दोस्रो फिल्म ‘मितज्यू’ को छायांकन सुरु भएको छ। वसन्त पञ्चमीको शुभ अवसर पारेर दाङस्थित अम्बिकेश्वरी मन्दिरमा विधिपूर्वक पूजा गर्दै फिल्मको छायांकन औपचारिक रूपमा प्रारम्भ गरिएको निर्माण पक्षले जनाएको छ।

धार्मिक विधिअनुसार पूजा गरी पहिलो दृश्य खिच्दै फिल्मको छायांकन यात्रा सुरु गरिएको हो। निर्माता जनक घर्ती मगरका अनुसार ‘मितज्यू’ सामाजिक कथावस्तुमा आधारित चलचित्र हो, जसको छायांकन दाङ र रोल्पाका विभिन्न स्थानमा गरिनेछ।

फिल्ममा दयाहाङ राई, सौगात मल्ल, तेरिया फौजा मगर, पुस्कर गुरुङ, शिशिर वाङ्देल, राज थापा, सुवर्ण थापा, अनु थापा, स्मिता लामिछाने, अरुण पुन मगर, उत्तम राज पाण्डे, सविन कट्टेल, उमेश सोनाम, पवित्रा खड्का, चाहाना राना मगर, अनुशा राई तथा खड्गबहादुर पुन मगर (खबपु) लगायत कलाकारहरूको अभिनय रहनेछ।

फिल्मका मुख्य सहायक निर्देशक फिरोज खड्का हुन् भने सहायक निर्देशकमा अनिल दाहाल, सञ्जु नेपाली र एल्मिना राई रहेका छन्। प्रोडक्सन डिजाइनर किशोर नेपाल, ड्रेस डिजाइनर संगीता रोका मगर, सम्पादक लोकश बज्राचार्य, छायाकार शिशिर शिशंखेल, द्वन्द्व निर्देशक प्रभात विष्ट र साउन्ड डिजाइनर नवीन श्रेष्ठ रहेका छन्। फिल्मको संगीत श्रीकृष्ण बम मल्लले तयार गर्दैछन्।