फिल्मको कथा तथा पटकथा निर्देशक चन्द्र पन्त स्वयंले लेखेका हुन्। संगीत कोशिस क्षेत्री, बाबुल गिरी र थानेश्वर गौतम को रहेको छ भने गीतका भिडियोहरूमा गंभीर बिष्ट र दिलिप ओखेडा को कोरियोग्राफी छ। अभिमन्यू निरवी द्वारा लिखित संवादमा अमर न्यौपाने, अभिमन्यू निरवी र चन्द्र पन्तको सहकार्य रहेको छ। छायांकन नवराज उप्रेती ले गरेका हुन्।

फिल्ममा कृष्ण प्रसाद सुवेदी, ओमकार पन्त, प्रकाशजंग कुँवर, ध्रुव प्रसाद न्यौपाने र क्षितिज ढुंगाना को लगानी रहेको छ भने कार्यकारी निर्माता करण सिंह रसाली हुन्।

फिल्मको सम्पादन मिलन श्रेष्ठ ले गरेका छन्। ट्रेलर र टिजरको निर्माण साहिल खान ले गरेका हुन्। फिल्मको वितरण आरआर फिल्म्स ले गर्दैछ भने डिजिटल अधिकार ओएसआर डिजिटल सँग रहेको छ।

उल्लेखनीय कुरा के छ भने फिल्ममा समावेश गीतहरू ‘लैजा खबर ए हावा’ र ‘जाँदैछु नौ डाँडा काटेर’ ले दर्शकमाझ निकै चर्चा बटुलिसकेका छन्। यी गीतहरूले युट्युबमा ३० लाखभन्दा बढी भ्युज प्राप्त गरिसकेका छन्।