गण्डकी प्रदेशको मादी करिडोर, मोदी करिडोर, मर्स्याङ्दी करिडोर र अन्य स्थानमा विद्युत् आयोजना धमाधम बनिरहेको अवस्थामा विद्युत् प्रशारण लाइन नहुँदा उल्झन सिर्जना हुन लागेको उहाँले बताउनुभयो । गण्डकी प्रदेशको राजधानी पोखरामा बिजुलीको लाइन अन्डरग्राउन्ड गर्न प्रदेश सरकार, प्राधिकरण र पोखरा महानगरबीच सहकार्य हुनुपर्ने उहाँको भनाइ छ ।

ऊर्जा, सिँचाइ तथा खानेपानीमन्त्री हरिशरण आचार्यले प्रदेश सरकारले सञ्चालन गरेको उज्यालो गण्डकी अभियान, काठेपोल विस्थापन अभियानमा भएका प्रगतिका साथमा प्राधिकरणसँग प्रदेश सरकारको अपेक्षाका बारेमा बताउनुभयो ।

गण्डकी प्रदेशलाई उज्यालो प्रदेश बनाउने अभियानमा नेपाल विद्युत् प्राधिकरणले सघाउने भएको छ । मुख्यमन्त्री निवासमा भएको भेटमा ऊर्जामन्त्री आचार्य, प्रमुख सचिव रवीलाल पन्थ सहभागी हुनुहुन्थ्यो ।