पूर्वराजालाई एमालेले भन्यो, गणतान्त्रिक प्रणाली बदल्ने प्रयास नगर्दा राम्रो

नमस्ते चितवन

सोमबार, बैशाख ०१, २०८२ मा प्रकाशित

काठमाडौं ,बैशाख ०१
नेकपा एमालेले पूर्व राजा ज्ञानेन्द्र शाहलाई गणतन्त्रिक प्रणाली विरुद्धका प्रयास नगर्न सुझाब दिएको छ ।पूर्व राजा ज्ञानेन्द्र शाहमा अझैपनि गणतान्त्रिक प्रणालीलाई बदल्न सकिन्छ कि भन्ने आशा रहेको भन्दै उक्त आशा व्यर्थको हुने भन्दै यस्तो केही प्रयास नगर्न आग्रह गरेको हो ।

आज बसेको एमाले सचिवालय वैठकपछि पत्रकारसँग बोल्दै एमाले उपमहासचिव प्रदीप ज्ञवालीले तीन कुनेको आन्दोलनलाई जनअसन्तुष्टि भन्न नमिल्ने बताउनु भयो ।

”हिजो पूर्प राजा ज्ञनेन्द्रले जनताको असन्तुष्टिलाई नसुन्ने कुनै पनि तन्त्र हुँदैन भन्नुभएको छ । उहाँ आफूले शासन चलाएको बेलाको के थियो? मान्छेले बिर्सिसकेका छैनन् । उहाँको नेतृत्वको तन्त्रले जनताका सारा अधिकार खोसेको, पटक–पटकको सम्झौता उल्लंघन गरेकाले जनता गणतन्त्रमा पुगेका हुन् । यो गणतान्त्रिक प्रणालीलाई बदल्न सकिन्छ कि भन्ने आशा उहाँमा अझै देखिन्छ। तर त्यो व्यर्थको कुरा हो । यस्तो केही प्रयास नगर्दा राम्रो हुन्छ’, ज्ञवालीले भन्नुभयो ।

१५ गतेको घटनामा राजा ज्ञानेन्द्र जवाफदेही हुनैपर्ने एमालेको ठहर छ । ज्ञानेन्द्रले फागुन ७ गतेको सन्देशमा नै ‘आफूलाई साथ दिन’ आह्वान गरेको र वितण्डा मच्याउन तथाकथित जनअन्दोलनको कमाण्डरसमेत आफैले तोकेको ज्ञवालीले दावी थियो ।