काली रानी फिल्मस्को ब्यानरमा निर्माण भएको चलचित्रमा दीपाश्री निरौला, सरिता गिरी, रमा थपलिया, प्रशान्त ताम्राकार, सीता न्यौपाने र रितेश पौडेल (रितेशजंग खत्री)लगायत कलाकारको पनि अभिनय छ ।

चलचित्रका प्रस्तुतकर्ता नवीन श्रेष्ठ हुन् । उनले यसअघि गत वर्ष चलचित्र ‘लाज शरणम्’ निर्माण गरेका थिए । चलचित्रकी निर्मात्री काली रानी श्रेष्ठ हुन् ।

‘पाँच पाण्डव’को कथा, पटकथा तथा संवाद सुशील पौडेलले लेखेका हुन् । लेखक पौडेलले चलचित्र सामाजिक विषयवस्तुमा आधारित सोसल ड्रामा रहेको बताएका छन् । उनका अनुसार महाभारतका पाँच पाण्डवका चरित्र र विम्बलाई प्रयोग गर्दै चलचित्रले समकालीन नेपाली समाजको कथा प्रस्तुत गरेको छ ।

चलचित्रलाई श्याम तामाङले छायांकन गरेका हुन् । सुप्रिम पराजुलीले सम्पादन तथा रङ्ग संयोजन, सम्राट बस्नेतले द्वन्द्व निर्देशन, गम्भीर विष्ट र विक्रम स्वाँरले कोरियोग्राफी गरेका छन् ।

चलचित्रमा अर्जुन पोखरेलको संगीत, उत्तम न्यौपानेको साउन्ड डिजाइन, सुजिल कर्माचार्यको ब्याकग्राउन्ड म्युजिक (बीजीएम), पुकार धिमालको भीएफएक्स, रोहित राज गौतमको एचओपी र विष्णु बुढाथोकीको प्रोडक्सन म्यानेजमेन्ट रहेको छ ।

चलचित्रको डिजिटल पार्टनर ओएसआर डिजिटल हो । रोहित कट्टेल र रत्न श्रेष्ठको आरआर फिल्म्सले चलचित्रलाई देशव्यापी वितरण गरेको छ ।