नयाँ दिल्ली । भारतमा प्रतिस्पर्धात्मक परीक्षाको प्रश्नपत्र चुहावट (पेपर लिक) विरुद्ध २६ दिनदेखि आमरण अनसनमा बसेका चर्चित जलवायु तथा सामाजिक अभियन्ता सोनम वाङ्चुकले आफ्नो अनसन समाप्त गरेका छन्।
गुरुग्रामस्थित मेदान्ता अस्पतालमा उपचाररत वाङ्चुकले शुक्रबार मध्यराति केन्द्रीय स्वास्थ्यमन्त्री जेपी नड्डा, राज्यमन्त्री डा. जितेन्द्र सिंह तथा लद्दाखका प्रतिनिधिहरूको उपस्थितिमा जुस पिएर अनसन तोडे।
सामाजिक सञ्जाल **‘एक्स’**मार्फत उनले देशमा तनाव र हिंसा बढ्न सक्ने सम्भावना, सरकारसँग भएका विभिन्न चरणका वार्ता तथा विभिन्न राजनीतिक दलका ६५ सांसदको आग्रहलाई सम्मान गर्दै अनसन अन्त्य गर्ने निर्णय लिएको जानकारी दिएका छन्।
वाङ्चुकले आन्दोलनका समर्थकलाई शान्तिपूर्ण रूपमा आफ्नो आवाज उठाउन आग्रह गर्दै कुनै पनि प्रकारको हिंसात्मक गतिविधिबाट टाढा रहन अपिल गरेका छन्। उनका अनुसार आन्दोलनको उद्देश्य व्यवस्था सुधार गर्नु हो, अशान्ति फैलाउनु होइन।
अनसन अन्त्य भएपछि भारतीय प्रधानमन्त्री नरेन्द्र मोदीले वाङ्चुकको स्वास्थ्यप्रति चासो व्यक्त गर्दै शीघ्र स्वास्थ्यलाभको शुभकामना दिएका छन्। उनले चिकित्सकको सल्लाहअनुसार स्वास्थ्यमा ध्यान दिन आग्रहसमेत गरेका छन्।
यसैबीच, प्रश्नपत्र चुहावटका घटनापछि देशभर विद्यार्थी आन्दोलन चर्किएसँगै प्रधानमन्त्री मोदीले परीक्षा प्रणालीलाई थप सुरक्षित बनाउन सरकार प्रतिबद्ध रहेको बताएका छन्। उनका अनुसार दोषीमाथि कारबाही सुरु भइसकेको छ भने आगामी संसद् अधिवेशनमा प्रश्नपत्र चुहावट नियन्त्रणसम्बन्धी नयाँ विधेयक दर्ता गरिनेछ।
सरकारले प्रस्ताव गरेको नयाँ कानुनमा यस्ता मुद्दाको छिटो सुनुवाइका लागि फास्ट ट्र्याक अदालत गठन गर्ने र दोषीलाई कडा सजाय दिने व्यवस्था समावेश गरिने बताइएको छ। सरकारले यस कदमले परीक्षा प्रणालीलाई अझ विश्वसनीय र पारदर्शी बनाउने विश्वास व्यक्त गरेको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.