काठमाडौं । नेकपा संसदीय दलका नेता मंगलबहादुर शाही कर्णाली प्रदेशको मुख्यमन्त्री नियुक्त भएका छन्। प्रदेश प्रमुख यज्ञराज जोशीले मंगलबार साँझ संविधानको धारा १६८ को उपधारा (२) बमोजिम उनलाई मुख्यमन्त्रीमा नियुक्त गरेका हुन्।
शाहीले यसअघि नेकपा एमाले र नेकपाको समर्थनसहित मुख्यमन्त्रीमा आफ्नो दाबी प्रस्तुत गरेका थिए। उनको पक्षमा एमालेका ९ र नेकपाका १४ गरी २३ जना प्रदेशसभा सदस्यको समर्थन रहेको थियो।
कर्णाली प्रदेशका तत्कालीन मुख्यमन्त्री यामलाल कँडेलले गत शनिबार पदबाट राजीनामा दिएपछि नयाँ सरकार गठनको प्रक्रिया अघि बढेको थियो। त्यसपछि प्रदेश प्रमुखले संविधानअनुसार नयाँ सरकार गठनका लागि आह्वान गरेका थिए।
४० सदस्यीय कर्णाली प्रदेशसभामा नेपाली कांग्रेसका १५, नेकपाका १३, सभामुखसहित एमालेका १० तथा राप्रपा र एक स्वतन्त्र सांसद रहेका छन्।
मुगु प्रदेशसभा निर्वाचन क्षेत्र नम्बर–२बाट निर्वाचित शाही यसअघि कर्णाली प्रदेश सरकारमा भौतिक पूर्वाधार तथा शहरी विकासमन्त्रीको जिम्मेवारीसमेत सम्हालिसकेका छन्। मुख्यमन्त्री नियुक्तिसँगै उनले अब नयाँ मन्त्रिपरिषद् गठन र सरकार सञ्चालनको प्रक्रिया अघि बढाउनेछन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.