यसैबिच, बेपत्ता व्यक्तिका परिवार, आफन्त र स्थानीयवासीले खोजी कार्य तीव्र बनाउन, पीडित परिवारलाई उचित क्षतिपूर्ति उपलब्ध गराउन तथा दोषीमाथि कारबाही गर्न माग गर्दै मध्यपहाडी लोकमार्गको खुर्कोट–घुर्मी सडकखण्ड अवरुद्ध गरेका छन्।

उनीहरूले गोलन्जोर र फिक्कल गाउँपालिकाको सिमानास्थित वाक्सुखोलामा टायर बालेर चक्काजाम गरेपछि यातायात अवरुद्ध भएको गोलन्जोर गाउँपालिका–१ का वडाध्यक्ष सोमप्रसाद बरालले जानकारी दिनुभयो।

उहाँका अनुसार बस चालकको लापरबाहीका कारण सडक किनारमा रोकिएको कारलाई पछाडिबाट ठक्कर दिँदा दुर्घटना भएको हो। प्रहरीले बस चालक र बसलाई सोमबार नै नियन्त्रणमा लिई थप अनुसन्धान गरिरहेको जनाएको छ।